Koj ќе го замени Драган Данев на функцијата координатор?

Добивај вести на Viber

На местото на Драган Данев, кој се повлече, Никола Мицевски е назначен за нов координатор на пратеничката група на ВМРО-ДПМНЕ во Собранието.

Мицевски е штипјанец, завршил Земјоделски факултет и е магистер по економски науки од областа на МБА-Менаџмент.

Данев пред неколку денови си поднесе оставка. Тој ја извршуваше функцијата неполна година, а неговото повлекување следи по низата исклучувања, разрешувања и оставки од партиските функции поради несогласувања со раководството.

Данев истакна дека нема да гласа за отворање на уставните измени на собраниската седница и ако треба нема да дојде во законодавниот дом тој ден. Тој е еден од пратениците кои гласаа на референдумот. Данев присуствуваше и на одбележувањето на 23 Октомври - Денот на револуционерната борба што го организираше партијата во Македонскиот народен театар. 

Во партијата има раскол по низа исклучувања, а потоа повеќе видни имиња се повлекоа од Унијата на жени, но и Унијата на млади сили на ВМРО ДПМНЕ остана без претседателот. Лука Кржаловски по примерот на сопартијката и претседателката на Унијата на жени на ВМРО ДПМНЕ Даниела Рангелова се повлекува од функцијата. Рангелова и Митко Јанчев обвинија дека има притисоци во партијата.