Кој ќе ја води Унијата на жени откако Рангелова се повлече?

Добивај вести на Viber

Oткако Даниела Рангелова се повлече, Унијата на жени на ВМРО-ДПМНЕ привремено ќе ја води Благица Ласовска.

Ваква одлука донесе Извршниот Комитет на ВМРО-ДПМНЕ на синоќешната седница. 

Извршниот комитет на ВМРО-ДПМНЕ го потврди и  изборот на Никола Мицевски за нов координатор на пратеничката група на коалицијата предводена од ВМРО-ДПМНЕ во Собранието. Мицевски едногласно е избран по предлог на досегашниот координатор Драган Данев, кој од лични причини се повлече од функцијата координатор. На редовниот состанок на Извршниот комитет се констатирани оставките на Даниела Рангелова и на Лука Кржалоски од позициите претседател на Унијата на жени односно Унијата на млади сили. Донесена е одлука да се започне со процедура за распишување на процедура за избор на нови раководни тела на УЖ и на УМС.

За актуелната политичка состојба, е констатирано дека без оглед на сите закани, уцени и притисоци, партијата продолжува на истиот курс во заштита на највисоките државни и национални интереси,  односно не менување на Уставот со цел промена на уставното име и евро-атлантските определби на партијата и поддршката на процесите кои значат реформи во државата кои имаат цел да ја приближат Република Македонија кон стандардите на ЕУ и НАТО.

Рангелова откако се повлече обвини дека неколку луѓе од партијата вршат притисоци.