21 Октомври, 2021
0.0678

Кој ќе подели 15 милиони евра бруто дивиденда сработена за шест месеци?

Објавено во: Економија 27 Септември, 2021

Повеќе од 11 милиони евра се добивка за првите шест месеци од работењето на цементарницата, а другите речиси 4 милиони евра се вишок од ревалоризација која се „форвардира“ во авансна дивиденда


Најголемиот акционер на скопската цементарница „Усје“ ја повторува праксата од лани. Дели авансна дивиденда, а одлуката ја донесе бордот на директори на седницата одржана во средата на 22 септември.

Станува збор за бруто износ од 15,09 милиони евра кои „Усје“ ги има обезбедено по два основи. Првиот е добивката за првото полугодие годинава која изнесува над 11 милиони евра, а вториот е од вишокот на ревалоризациски резерви вклучени во капиталот и кои изнесуваат речиси 4 милиони евра.

Збирот од овие две ставки прави вкупен бруто износ од 15,09 милиони евра дивиденда односно бруто износ од 1.646 денари (26,8 евра) по акција. Од овие 15,09 милиони евра во земјава ќе останат нешто над 2 милиони евра. Од нив 750.000 евра е бруто износот на дивиденда на 234 домашни физички и правни  лица. Другото е по основ на данок. Акцијата на „Усје“ носи дивиденда доколку се тргува до 6 октомври годинава. Дивидендата ќе биде исплатена најдоцна до крај на оваа година.

„Усје“ за првите шест месеци годинава оствари нето добивка од 11,2 милиони евра на приходи од продажба во износ од безмалку 50 милиони евра или 20 отсто повеќе од истиот период лани.

Најголем дел од дивидендата оди во Холандија кај мнозинскиот акционер „Титан Цемент“ односно 95 отсто од добивката соодветно на учеството на оваа компанија, дел од грчката групација, во акционерската структура на скопската компанија.

Скопската цементарница е една од првите , а и ретките, успешни приватизации со откуп на акции од страна на странски инвеститор. Тоа се случи во веќе далечната 1996 година значи пред четврт век. При оваа аквизиција мнозинството вработени ги продадоа своите акции по фер цена и во тоа време остварија капитални приливи повисоки од по 100.000 германски марки што беше своевидна револуција во македонската транзиција.

„Усје“ редовно дели дивиденда на своите акционери. За последните три години исплатен е кумулативен бруто износ повисок од 100 евра за акција.

Р.Ф.

Можеби ќе ве интересира

Како Европа ќе закрепне од ударот на корона кризата?

Како Европа ќе закрепне од ударот на корона кризата?

Швајцарија оваа зима може да остане без струја

Швајцарија оваа зима може да остане без струја

Ги замрзнаа цените на скоро 1.500 производи до 2022 година

Ги замрзнаа цените на скоро 1.500 производи до 2022 година

Нов пробив за биткоинот

Нов пробив за биткоинот

Генерали Инвестментс: Повисоката инфлација најверојатно ќе трае подолго од очекувањата на јавноста

Генерали Инвестментс: Повисоката инфлација најверојатно ќе трае подолго од очекувањата на јавноста

АНАЛИЗА: Можни ли се рестрикции на струја во зимата, експерти алармираат - состојбата е катастрофална

АНАЛИЗА: Можни ли се рестрикции на струја во зимата, експерти алармираат - состојбата е катастрофална

УШТЕ ПОСИЛНА ДИГИТАЛНА ВАЛУТА: Поради ова биткоинот би можел да биде повреден како никогаш досега

УШТЕ ПОСИЛНА ДИГИТАЛНА ВАЛУТА: Поради ова биткоинот би можел да биде повреден како никогаш досега

„Македонија пат“ за една година бројот на вработени го зголемил за 130

„Македонија пат“ за една година бројот на вработени го зголемил за 130

Многу држави ќе натрупаат долгови поради пандемијата

Многу држави ќе натрупаат долгови поради пандемијата