29 Март, 2024
0.0269

КОЈ ЌЕ САКА ДА ТУРИРА, ЌЕ МУ ГО ЗЕМАТ МОТОРОТ НА ТРИ МЕСЕЦИ - со новиот закон МВР ќе ги доведува во ред дрските учесници во сообраќајот

Објавено во: Македонија 13 Јануари, 2021

Добивај вести на Viber

Конечно ќе се стави ред со возилата кои се неисправни, небезбедни или предизвикуваат голема бучава во сообраќајот. По една година чекање во законодавниот дом, народните избраници во последниот месец од мината година ги изгласаа измените на Законот за безбедност на сообраќајот на патиштата, што од 26 декември веќе влегоа во сила.

МВР вчера соопшти дека согласно со овој закон, возилата што се технички неисправни или учествуваат во сообраќајот со истечена сообраќајна дозвола повеќе од шест месеци, ќе се одземаат на 90 дена. Полициските службеници веќе „собрале“ 24 возила, и тоа едно во Скопје, осум тетовски, десет струмички, како и пет од Штип.

Еве што точно стои во законските одредби. „Полицискиот службеник ќе го исклучи од сообраќај возилото кое не е регистрирано, за кое не е продолжен рокот на важноста на сообраќајната дозвола, за кое е утврдена техничка неисправност или нема пропишани регистарски таблици. Полициски службеник може да исклучи возило од сообраќај и привремено да го одземе возилото до утврдување на техничка исправност, но не подолго од три работни дена. Доколку биде утврдена техничка неисправност на возилото која се однесува на предизвикување на голема бучава или во случај кога сообраќајната дозвола за возилото е со изминат рок на важност од шест или повеќе месеци, возилото се одзема во времетраење од 90 дена. Полицискиот службеник кој го исклучил возилото од сообраќај на возачот на самото место, привремено ќе му ја одземе сообраќајната дозвола или регистарските таблици“, децидно се наведува во законот.

Сите трошоци при оваа постапка на одземање, а потоа и на враќање на возилото, ќе бидат на товар на самиот возач.

Извори од МВР за Фактор објаснуваат дека е добро што по толку долг период на чекање и заглавеност на овој закон, делумно заради политички причини како што беа изборите, а потоа и поради корона кризата, тој конечно стапи на сила. Законот, како што велат, многу ќе им помогне и за да се „стават во ред“ дрските моторџии, нешто што се планира поинтензивно од пролет, кога тие, практично, ќе почнат да го малтретираат населението со своите „егзибиции“.

„Со законот е предвидено дека доколку возилото е технички неисправно или предизвикува голема бучава, може да биде одземено на 90 дена односно три месеци. Што значи, сите тие делови кои моторџиите ги додаваат за поголема ‚туража' и со кои ги вознемируваат граѓаните, сега ќе се сметаат за техничка неисправност и ќе можат да им бидат одземени на три месеци“, објаснуваат извори од МВР.

Ова ќе важи и за сите други возила, кои покрај бучавост, испуштаат и премногу чад од ауспухот, пребавно возат, или не можат да закочат, односно да застанат веднаш со сопирачките.

Вакви законски новини МВР предложи откако претходно беа откривани голем број возила на поединци или на фирми кои со години возеле нерегистрирани, но и технички неисправни возила, кои, како што сите знаеме, се главни причини за тешките сообраќајки. Сега тие брзо ќе се отстрануваат од собраќајот. Истото ќе важи и за оние што ќе возат без положен испит или со истечена возачка, но и тие кои возат под дејство на антидепресиви, уморни, пијани или под дејтво на дроги.

Исто така, со новиот закон ќе се изрекува санкција - престанок на важење на возачка дозвола од категоријата за која им била изречена прекршочната санкција – забрана за управување, доколку во период од една година од денот на правосилноста на одлуката учесниците во сообраќајот сториле друг сообраќаен прекршок за кој е предвидена прекршочна санкција - забрана на управување со моторно возило, изречена за истата категорија. 

Ова всушност значи дека ќе има трајно губење на возачката дозвола. Тоа е со намера да се санкционираат возачите кои често прават посериозни прекршоци во сообраќајот, а кои потоа резултираат со сообраќајни незгоди со тешки последици.

Инаку, пред да биде конечно усвоен овој закон претрпе неколку измени, а истиот на надлежните собраниски комисии го објаснуваше заменик министерот за внатрешни работи, Назим Буши. Тој наведе дека со измените овој закон се усогласува со Законот за прекршоците во делот на прекршочните одредби, односно глобите.Или, во однос на физичките лица, сега нема да постои мандатниот платен налог, туку ќе се издава прекршочен платен налог, изрекување на глоба.Ќе се бришат и дел од одредбите кои се однесуваат на регистрирањето на негативните бодови.

Она што е важно во овој закон е и тоа што се зголемува старосната граница во поглед на важењето на возачката дозвола на повозрасните возачи. Или, ако досега беше дозволено возење до 70 години, сега е тоа ќе важи до 75 годишна возраст.

Инаку, со новиот закон казните ќе бидат намалени поради усогласување со веќе усвоениот нов Закон за прекршоци, но казните за брзо возење, алкохол и престигнување не се намалени. Казната за физичките лица можат да бидат и поголеми од 250 евра доколку прекршокот го загрозува животот и здравјето на луѓето. Новост е тоа што се укинуваат негативните поени во возачките книшки, а нема веќе замена на казната за негативни поени. Казната за некористење на трепкачи ќе изнесува 35 евра. Ако не се вклучени соборните светла преку ден казната ќе биде 15 евра, а за незапалени светла навечер – 35 евра.

Во законот, за прв пат, се наведени и бројни одредби за регулирање на оние кои управуваат со електрични тротинети, кои стануваат се популарно превозно средство, особено на скопјани.

Нина Нинеска-Фиданоска

Можеби ќе ве интересира

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ФАКТОР НА ДЕНОТ: Уапсено е уште едно лице за убиството на лекарот во Железара

ФАКТОР НА ДЕНОТ: Уапсено е уште едно лице за убиството на лекарот во Железара

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

На Бујар Османи му е предложено да се кандидира за генерален секретар на НАТО?

На Бујар Османи му е предложено да се кандидира за генерален секретар на НАТО?

Тошковски: Приведено уште едно лице за убиството на докторот

Тошковски: Приведено уште едно лице за убиството на докторот

Европската комисија бара од Македонија да врати 2,2 милиони евра потрошени за измами од „Еразмус плус“

Европската комисија бара од Македонија да врати 2,2 милиони евра потрошени за измами од „Еразмус плус“

Андоновски: Не е проблем превработеноста, туку нефункционалноста на администрацијата

Андоновски: Не е проблем превработеноста, туку нефункционалноста на администрацијата