Кој купи акции од 1,1 милиони евра на Комерцијална банка во блок-трансакција?
Објавено во: Економија 31 Март, 2023
Вчера на берзата помина блок трансакција од 1,1 милиони евра со акциите на Комерцијална банка, што може да се види во дневниот берзански извештај.
Според податоците од берзата, во блок трансакцијата е истргувана количина од 5.230 акции по просечна цена од 12.845 денари, што упатува на тоа дека вкупната трансакција е на сума од 67 милиони денари, или 1,1 милиони евра.
Всушност, оваа цена која што била постигната на блок трансакцијата е за околу 400 денари повисока од просечната цена по која се тргува овие денови со акциите на Комерцијална банака, а познавачите велат дека оваа трансакција малку ги кренала цените по кои редовно се тргува.
Засега нема официјални информации кој е продавачот, односно купувачот на овие акции од најголемата македонска банка, а претпоставки говорат дека може да се работи за инвестициски фонд.
Во моментов единствен акционер кој поседува акции над 5 отсто во Комерцијална банка е компанијата Адора инженеринг, која располага со 14,99 отсто од капиталот.
Во структурата на акции на Комерцијална банка, има 327 акционери домашни компании со 51,69 отсто од капиталот. Потоа, 5.250 домашни физички лица поседуваат 45,97 отсто од капиталот. Во Комерцијална банка акции поседуваат и 15 странски компании кои располагаат со 0,79 отсто, како и 76 странски физички лица, чиј процент е 1,55 отсто.
А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2023 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МЕТА И IBM ЛАНСИРАА АЛИЈАНСА - таа ќе ја промени вештачката интелигенција
ЗА САМО ТРИ ГОДИНИ КИНА СО ОГРОМЕН НАПРЕДОК: Фокус на зелениот развој и климатските активности
ПАРАДОКС НА БАЛКАНОТ - еве каде еден килограм џимиринки чини колку три килограми месо
Реновираната бензинска станица на „Макпетрол“ во Тетово е пуштена во употреба
ФИНАНСИСКИ ДИРЕКТОР ПРОДАДЕ АКЦИИ ЕДЕН ДЕН ОТКАКО ОБЈАВИ ОТПУШТАЊА - еве како менаџер од Спотифај заработи над 9 милиони долари
ТИЕ СЕ НОВАТА СРПСКА ДЕЛОВНА ЕЛИТА - имаат најмалку 140 фирми и вртат милијарди
ТРГОВЦИТЕ СО ХРАНА И ПИЈАЛОЦИ ЈА НАУЧИЈА ЛЕКЦИЈАТА - власта не отстапува од замрзнатите цени, можно е продолжување и по Нова Година - ИНФЛАЦИЈАТА ДОЈДЕ ДО 3,1 ОТСТО
„СО ЗДЕЛКИ КАКО ЧЕБРЕН СЕ ЗАГРОЗУВА СУВЕРЕНИТЕТОТ НА ДРЖАВАТА“ - Најчевска вели дека за ова одлуки не смеат да носат „грст корумпирани политичари“
КОМПАНИИТЕ ЈА НАУЧИЈА ЛЕКЦИЈА, НЕМА ДА СЕ ТОЛЕРИРААТ ЗЛОУПОТРЕБИ: Бектеши не открива дали ќе продолжат замрзнатите цени
