13 Јули, 2020
0.0281

Кој носел оружје во Собранието на „крвавиот четврток“?

Објавено во: Македонија 03 Декември, 2018

Обвинетиот Захарие Симовски е третиот, по браќата Стефан и Михаил Младеновски, кои денеска даваат своја одбрана за случајот со 27 април лани, кога имаше упад во Собранието. 

Симовски призна дека носел пиштол во Собрание, а кажа и дека во прес салата видел реакција на Игор Југ, кој посегнал со раката по пиштолот.

На прашање на обвинителката Вилма Русковска дали и некој друг носел пиштол, Симовски рече дека по зборување во Собранието и покажување на оружјето на трето лице во Жена Парк, оружје носел и Јане Ченто.

Тој од 2015 година му бил личен телохранител на обвинетиот Александар Василевски Нинџа и оттогаш запознал уште тројца од обвинетите: Никола Митревски Кољо, Младен Додевски и Дејан Давидовски Дешо, кој е во бегство. 

Тој раскажа дека Нинџа бил близок и се гледал со лица од УБК, Никола Бошковски, Дејан Боксер и Владимир Атанасовски.

„Некаде периодот септември 2016 година кога Владимир Атанасовски станува директор, тој одржува состанок со Нинџа по кој Нинџа нѐ свикува нас и ни се обраќа со зборовите дека му се дадени одврзани раце и за секое дејствие ќе бидеме заштитети од безбедносните структури. Потоа Нинџа ме викна мене и ми задолжи оружје со насока да го носам при себе само кога има директна негова наредба која некогаш ми била пренесувана од другите лица со кои, на еден начин, бев колега“ – раскажа Симовски.

Во предизборната кампања за парламентарните избори во 2016,  тие како телохранители на Нинџа дејствувале како втор обрач обезбедување на поранешниот премиер, Никола Груевски.

„Кога се увиде фактичката состојба дека изборите се прилично неверодостојни лицата од УБК почнаа зачестено да доаѓаат во Аристократ и да се движат зачестено со Нинџа. Воедно правеа планови што би се случувало ако ВМРО-ДПМНЕ загуби на изборите. Потоа ни беше дадено насока да одиме на протестите пред ДИК“ – кажа Симовски.

Бидејќи протестите не биле насилни, Нинџа им понудил на двајца членови на навивачката група Фемили Аеродром да се приклучат на протестите за да има повеќе млади и им навестил немири. Во замена им нудел да им помогне на нивни другари кои се затвор за престојот таму да им биде попријатен. Тие го одбиле, па потоа Нинџа стапил во контакт со патриотските здруженија.

Симовски кажа и дека пред протестите често се случувало Нинџа да влезе во штабот на ВМРО-ДПМНЕ каде нему не му бил дозволен влез.

На 27. април му се јавил еден од еден од телохранителите на Нинџа, Дејан Давидовски Дешо кој му пренел дека Нинџа рекол да го земе ,,таквото” што всушност, појасни Симовски, е шифриран збор да го понесе со него оружјето. И тој, како и браќата Младеновски кажа дека дента се собрале во ресторанот Дион од каде се упатиле кон Собрание откако обвинетиот Никола Митревски Кољо добил повик.

Инаку, и овој обвинет зборуваше за планирани напади врз функционери од СДСМ, па кажа дека Нинџа им пренел порака од директорот на УБК Владимир Атанасовски за да се нападнат домовите на Петре Шилегов и Радмила Шекеринска, и да се запали возилото на Љубомир Фрчкоски.

Можеби ќе ве интересира

Владимир Панчевски ќе се бара со потерница

Владимир Панчевски ќе се бара со потерница

СТАПКАТА НА ЗАРАЗЕНИ СЕ СИМНА ПОД 10 ОТСТО: Денеска се позитивни 9,4 проценти од тестираните

СТАПКАТА НА ЗАРАЗЕНИ СЕ СИМНА ПОД 10 ОТСТО: Денеска се позитивни 9,4 проценти од тестираните

Интервју Јовановиќ: Ти ќе бидеш некој

Интервју Јовановиќ: Ти ќе бидеш некој

ПОВЕЌЕ ОЗДРАВЕНИ ОД ЗАРАЗЕНИ - денеска 88 заболени од КОВИД-19

ПОВЕЌЕ ОЗДРАВЕНИ ОД ЗАРАЗЕНИ - денеска 88 заболени од КОВИД-19

БЕЗ ГРИЖА ЗА КОВИД-19: Свадба во Бутел со 200 гости, журка за нова пицерија во Охрид

БЕЗ ГРИЖА ЗА КОВИД-19: Свадба во Бутел со 200 гости, журка за нова пицерија во Охрид

(ФОТО) Стигнаа последните осум хрватски автобуси - скопјани ќе се возат еколошки

(ФОТО) Стигнаа последните осум хрватски автобуси - скопјани ќе се возат еколошки

ЦЈЗ ШТИП: Повеќе од 50 позитивни од пет конфекции, тешко ситуацијата да се стави под контрола

ЦЈЗ ШТИП: Повеќе од 50 позитивни од пет конфекции, тешко ситуацијата да се стави под контрола

Во Ваксинце двајца мигранти од Пакистан држеле во заложништво 19 други

Во Ваксинце двајца мигранти од Пакистан држеле во заложништво 19 други

ГО НАШЛЕ ВО БАЧИЛО ЗДРАВ И ЖИВ: планинар од Скопје се одвоил од групата и се изгубил

ГО НАШЛЕ ВО БАЧИЛО ЗДРАВ И ЖИВ: планинар од Скопје се одвоил од групата и се изгубил