23 Февруари, 2020
0.0446

Кој прави милиони евра промет од ајвар и туршија?

Објавено во: Економија 23 Мај, 2019

Двете фирми на Заеви „Мамас Фоод“ и ќерката „Тргопродукт“ лани направиле приходи од речиси 15 милиони евра. Нивните конкуренти од Гевгелија: ДИЕМ и „Випро“ лани од продажба инкасирале 10,5 милиони евра. Сите четири компании, познати бренд производители на ајвари, конзервиран зеленчук и овошје лани имаат добивки од работењето

Четири големи македонски капацитети за преработка и конзервирање зеленчуци и овошје лани направиле приходи од 25 милиони евра. Резултат за почит, кој покажува дека има бизнис во производството и конзервирањето на зеленчуци и овошје. Сите четири компании се со седишта во југоисточна Македонија и по две во Струмица и околијата и другите две во Гевгелија.


Најголеми приходи од продажба лани има „Тргопродукт“ од струмичко Дабиле и тие изнесуваат 10 милиони евра и во однос на 2017 година бележат минимален раст од 3 отсто. Добивката на оваа компанија е 1,25 милиони евра и лани е за 27 отсто пониска од профитот остварен во 2017 година.

Нејзината фирма мајка е „Мамас Фоод“ од Струмица која во домашната јавност е позната по две работи. Првата е дека произведува фантастичен деликатес – традиционален ајвар и втората дека е дел од бизнис групацијата на поширокото семејство на Зоран Заев, претседателот на Владата и претседател на СДСМ. Оваа компанија лани има 4,76 милиони евра приходи и тие пораснале за речиси 13 отсто во однос на претходната година. Профитот на компанијата лани е за 10 пати поголем од претходната година и изнесува 382.000 евра.


Поуспешна од гевгелиските фирми лани била ДИЕМ и нејзините приходи достигнале 6,5 милиони евра што е за 17 отсто повеќе од претходната година. Добивката на оваа компанија достигна безмалку еден милион евра (односно 928.000 евра) и е повисока за 6 отсто во однос на претходната година.


Другиот гевгелиски бренд од конервната индсутрија е „Випро“ и неговите приходи лани се 4,14 милиони евра. Добивката е на ниво од 269.000 евра. Оваа компанија бележи статус кво во однос на претходната 2017 година. 

Р. Ф.

Можеби ќе ве интересира

НОВИ ВРАБОТУВАЊА: Министерката Ангеловска очекува невработеноста да се намали на 16 отсто

НОВИ ВРАБОТУВАЊА: Министерката Ангеловска очекува невработеноста да се намали на 16 отсто

РАЗЛИКA ВО ПЛАТИ: Со четири месеци работа земаат колку еден програмер

РАЗЛИКA ВО ПЛАТИ: Со четири месеци работа земаат колку еден програмер

Компаниите бараат владеење на правото, со Италија има можност за поголема соработка

Компаниите бараат владеење на правото, со Италија има можност за поголема соработка

Анѓушев на 98 години - Стопанска комора: Порано проблемот беа финансиите, сега кадарот

Анѓушев на 98 години - Стопанска комора: Порано проблемот беа финансиите, сега кадарот

ЛЕСНО НАОЃААТ РАБОТА, А ИМААТ И НАЈГОЛЕМА ПЛАТА: Зошто е добро да се биде програмер во Македонија

ЛЕСНО НАОЃААТ РАБОТА, А ИМААТ И НАЈГОЛЕМА ПЛАТА: Зошто е добро да се биде програмер во Македонија

Водоводни дефекти на неколку улици, проблемот во Гази Баба саниран

Водоводни дефекти на неколку улици, проблемот во Гази Баба саниран

ТОП ПЕТ НАЈПЛАТЕНИ ПРОФЕСИИ: Каде се „кријат“ највисоките плати во земјава

ТОП ПЕТ НАЈПЛАТЕНИ ПРОФЕСИИ: Каде се „кријат“ највисоките плати во земјава

ОПОЗИЦИЈАТА КРИТИКУВА, ВЛАСТА СМИРУВА: Јавниот долг расте а се наѕира и нова еврообврзница

ОПОЗИЦИЈАТА КРИТИКУВА, ВЛАСТА СМИРУВА: Јавниот долг расте а се наѕира и нова еврообврзница

Колку пари има во бизнисот со продажба на очила за сонце

Колку пари има во бизнисот со продажба на очила за сонце