Кој сака да профитира од местење натпревари, ќе заврши зад решетки!

Добивај вести на Viber

Секој организатор или учесник во спортски натпревар кој директно или индиректно ќе земе пари за местење спортски натпревар че се соочи со казна затвор од една до пет години. Зад решетки ќе се оди од една до десет години и за лажно прикажување или прикривање факти за лажиран спортски натпревар или наместен резултат на спортска игра со новите  предлог измени во Кривичниот законик. Новина е и санкционирањето на посредниците во давањето и примањето на поткупот, за кои исто така е предвидена затворска казна од една до пет години. Како што истакна денеска владиниот портпарол Александар Ѓорѓиев, во областа на лажирањето спортски натпревари, се и дополнувањата на кривичните дела кои се однесуваат на активниот и пасивниот поткуп. „Во кривичното дело „неовластено примање подароци“ е пропишано дека организатор или учесник во спортски натпревар кој директно или индиректно ќе побара или ќе се согласи да прими за себе или за друг подарок или друга посредна или непосредна корист, ќе се казни со затвор од една до пет години“, истакна Ѓорѓиев. Според најавите, со новите законски измени треба да се превенираме злоупотребата на спортските натпревари и спортот да се ослободиме од штетни и коруптивни влијанија, а со тоа и да се спречат изманите кои може да предизвикаат сериозна штета на имотот на граѓаните.