Кој се најде на 11- та листа на должници на УЈП?
Објавено во: Економија 14 Ноември, 2016
Управата за јавни приходи ја објави 11-та листа на долници.
На листата се наоѓаат скоро 5 000 трговски друштва, јавни претпријатија и физички лица. Како должници се јавуваат ЈП „Македонска радио-телевизија“, АД „11 Октомври – Еурокомпозит“, ЈКП ЦО „Стандард“ Дебар, ЈП за стопанисување со објекти за спорт во сопственост на РМ, Ски-центар Кожуф и други.
Се работи за долгови доспеани до 31 јули годинава и неплатени до 31 октомври годинава по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е:
- повисок од 120.000 денари за физичките лица и самостојни вршители на дејност; и
- повисок од 300.000 денари за правните лица.
Листата на должници се објавува на веб страницата на Управата за јавни приходи согласно член 9 од Законот за даночна постапка. Управата за јавни приходи без согласност на даночниот обврзник на својата веб страница може да објави податоци заради исправка на непотполни информации кои се објавени во листата на должници.