14 Април, 2024
0.0246

Која банка ќе ја исплати највисоката дивиденда? Изнесува 2.560 денари за акција!

Објавено во: Економија 03 Април, 2024

Добивај вести на Viber

На изненадување на целата инвеститорска заедница дивидендниот аутсајдер „Силк Роуд Банка“ ќе исплати бруто дивиденда од 41,6 евра по акција. Лани оваа банка имаше супер успешна година во која добивката по акција изнесува 211,5 евра

Акционерите на „Силк Роуд Банка“ ги дочекаа своите пет минути! Годинава за секоја акција оваа деловна банка за секоја акција ќе исплати бруто дивиденда од 2.560 денари по акција! Ова досега е најголемата исплатена дивиденда во апсолутен износ на нашиот пазар. Единствена банка која историски гледано може да биде конкурента и да подели повисока дивиденда е НЛБ Банка. А тоа ќе го дознаеме наскоро односно најдоцна до средината на идниот месец кога ќе бидат објавени предлозите за претстојното редовно собрание на НЛБ Банка.

Податокот за дивидендата е официјална информација од најновата објава на „Силк Роуд Банка“ достапна на следниот линк https://mse.mk/mk/announcement/1/4/2024/%D0%A1%D0%B8%D0%BB%D0%BA-%D0%A0%D0%BE%D1%83%D0%B4-%D0%91%D0%B0%D0%BD%D0%BA%D0%B0-%D0%90%D0%94-%D0%A1%D0%BA%D0%BE%D0%BF%D1%98%D0%B5/Financial-data-and-dividends

Како и да е Силк Роуд Банка во досегашната корпоративна историја на Македонија е банка која исплаќа најголема дивиденда мерено според критерумот апсолутен износ на дивиденда по акција.

Според официјалната евиденција на Централниот депозитар за хартии од вредност „Силк Роуд Банка“ има издадено 12.014 обични акции. Номиналната вредност на секоја акција е 36.111 денари. Во пребарувањето на берзански историски параметри кои се јавно достапни не успеавме да најдеме податоци за трговската шифра односно тикерот ALFB под кој на нашиот пазар на капитал се тргува таа акција.

Од податоците кои се јавно достапни се гледа дека оваа банка на своите акционери ќе им исплати половина милион евра дивиденда во бруто износ. Тоа значи дека 50.000 евра ќе наплати УЈП по основ на задршка на данок за правно лице - акционер во таа банка.

Податоците кои се објавени на сајтот на Македонска берза покажуваат дека „Силк Роуд Банка“ има приход во вкупен износ од речиси 10 милиони евра. Добивката по оданочување е нешто повисока од 2,5 милиони евра. Добивката по акција изнесува 211,5 евра, а дивидендата изнесува 41,6 евра во бруто износ. Наједноставно кажано оваа мала деловна банка во условите на силната конкуренција работела лани со профитна маргина од 25 отсто. Односно повеќе од една четвртина од нејзините приходи се профит.

Овој параметар покажува колку е профитабилен банкарскиот бизнис во Македонија.

Инаку во „Силк Роуд Банк“ е преименувана македонската подружница на грчката „Алфа банка“ која работеше на нашиот банкарски пазар. „Силк Роуд Банк“ е во сопственост на Силк Роуд АГ инвестициски фонд регистриран во Швајцарија. Овој фонд ја купи тогашната македонска „Алфа банка“ за 1,2 милиони евра во 2016 година. Тогаш во пакет секоја акција на „Алфа банка“ беше продадена по цена од 117 евра.

Р.Ф.

Можеби ќе ве интересира

Хотел Молика за прв пат со позитивен резултат, проект за изградба на спа центар

Хотел Молика за прв пат со позитивен резултат, проект за изградба на спа центар

ОГРОМЕН РАСТ: Речиси 94 милиони возила се произведени во 39 земји во светот минатата година, најмногу во Кина

ОГРОМЕН РАСТ: Речиси 94 милиони возила се произведени во 39 земји во светот минатата година, најмногу во Кина

ХРВАТСКИ МАРКЕТ ДОБИ ВИСОКА КАЗНА: Продавале сок штетен по здравјето, сега треба да платат 2.400 евра!

ХРВАТСКИ МАРКЕТ ДОБИ ВИСОКА КАЗНА: Продавале сок штетен по здравјето, сега треба да платат 2.400 евра!

ПОСКАПУВААТ ГОРИВОТО, ЦИГАРИТЕ, КАФЕТО И АЛКОХОЛОТ - Владата на Србија ги зголеми акцизите

ПОСКАПУВААТ ГОРИВОТО, ЦИГАРИТЕ, КАФЕТО И АЛКОХОЛОТ - Владата на Србија ги зголеми акцизите

Пад на продажбата на електрични автомобили: Зошто Европејците се враќаат на моторот со внатрешно согорување?

Пад на продажбата на електрични автомобили: Зошто Европејците се враќаат на моторот со внатрешно согорување?

Извршен директор на Nike: Тешко е да се биде иновативен кога луѓето работат од дома

Извршен директор на Nike: Тешко е да се биде иновативен кога луѓето работат од дома

„Длабоко сум благодарена за довербата и поддршката“ - Георгиева останува да раководи со ММФ

„Длабоко сум благодарена за довербата и поддршката“ - Георгиева останува да раководи со ММФ

ЗНАЧИТЕЛЕН РАСТ НА ИЗВОЗОТ НА БРОДОВИ ОД ШАНГАЈ - за само два месеци вредноста надминува 1 милијарда американски долари

ЗНАЧИТЕЛЕН РАСТ НА ИЗВОЗОТ НА БРОДОВИ ОД ШАНГАЈ - за само два месеци вредноста надминува 1 милијарда американски долари

„Резултатите требаше да бидат подобри“ - зголемен е бројот на термоелектрани на јаглен во светот

„Резултатите требаше да бидат подобри“ - зголемен е бројот на термоелектрани на јаглен во светот