Која е најгледана странска телевизија во Македонија?

Добивај вести на Viber

Со широкиот пристап на дигитална телевизија се зголемува бројот на домаќинства кои имаат прием на странски ТВ канали, па со тоа и нивната гледаност се зголемува. Основната понуда на кабелските оператори во просек има околу 50 странски канали кои се доста стандардни и нудат документарни, спортски, музички и филмски содржини.

На македонската публика во недостаток на поквалитетна домашна програма од ваков вид омилена и е телевизијата Discovery која постојано емитува документарни филмови од научната област, криминологијата, астрономијата, екологијата и општествените трендови. Discovery има неделен просечен досег од 11.98%, а потоа следува Sport Club која емитува преноси од повеќе спортови и странски првенства со 10.35%, додека на третото место е Eurosport уште еден спортски канал со 5.75%. 

Од каналите кои емитуваат ТВ серии најгледана е Fox Live со 4.98% неделен досег кај гледачите, па следат каналите National Geographic и Animal Planet кои исто така имаат документарна програма. Пад на гледаноста има хрватска ХРТ1 со досег од 1.88% што се должи и на ограничениот пристап до овој канал на дигиталните тв платформи. 

Анализата е дел од истражувањето на Агенцијата за аудио и аудиовизуелни медиумски услуги за состојбата во 2015-та.