Која е цената на пченицата од годинешната реколта?
Објавено во: Агробизнис 04 Август, 2016 09:37
За годинешната реколта цената на пченицата ќе се движи од 6 до 9,5 денари зависно од квалитетот.
Жетвата ова лето е богата, а родот е добар. Се очекуваат 3.850 килограми по хектар пченица. Претседателот на Асоцијацијата на земјоделци, Ефтим Шаклев вели дека дел од земјоделците се задоволни, а дел не се задоволни од цената.
„Производителите што имаа помали количини, од еден до пет тона, ја продаваа пченицата на неофицијални трговци од кои добиваа по шест денари во готово, а родот со добар квалитет и хектолитарска маса до 80, се продаваше во регистрираните млинови по 9,5 денари. Сепак, инспекциските служби успешно се справија со нелегалните откпувачи“ - рече Шаклев.
Од друга страна претседателот на Сојузот на земјоделците на Македонија, Вељо Тантаров додава дека мелничарите купија исклучително евтина пченица поради што треба да ја намалат цената на брашното и лебот.
„Во прилепскиот, битолскиот, куршевскиот дел на Пелагонија на кои отпаѓа половина од вкупното македонско производство на пченица, цената е неполни 6 до 8 денари зашто и од нив, на земјоделците им се одбиваат по 0,30 до 0,50 денари за транспорт. Никогаш нема да се договориме со мелничарите зашто сите досегашни договори не ги исполнија“- вели Тантаров.
Цената на годинешната пченица да не биде повисока од осум денари по килограм, бараше кон крајот на јуни групацијата на мелничко-пекарската индустрија при Стопанската комора на Македонија.
Државата ќе интервенира за цената на пченицата и за да им помогне на земјоделците.
Министерот за земјоделство, шумарство и водостопанство, Михаил Цветков претходно изјави дека 11 денари би била реална цена за пченицата.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
