Која е земјата која има 100.000 луѓе постари од 100 години?

Добивај вести на Viber

Јапонската влада oбјави дека бројот на луѓе во Јапонија на возраст од 100 години и повеќе достигнал речиси 100.000.

Според Министерството за здравство, бројот на стогодишници во Јапонија се искачил на 99.763 во септември, што е  55. година по ред. Од нив, жените опфаќаат огромни 88 отсто.

Јапонија има најдолг животен век во светот и често е дом на најстарите луѓе, иако некои истражувања го доведуваат во прашање точниот број на стогодишници во светот. Ова е едно од најбрзостаречките општества, каде што жителите често имаат поздрав начин на исхрана, но низок наталитет.

Најстарата личност во Јапонија е 114-годишната Шигеко Кагава од Јаматокоријама, предградие на Нара, додека најстариот маж е 111-годишниот Кијотака Мизуно од крајбрежниот град Ивата.

Министерот за здравство Такамаро Фукока им честита на 87.784 жени и 11.979 мажи стогодишници за нивниот долг живот и изрази благодарност за нивниот долгогодишен придонес за развојот на општеството.

foto freepik.com