Колку милиони евра е профитот на фирмата што печати учебници за основци и средношколци?
Објавено во: Анализа 01 Ноември, 2018 07:00
„Арс Ламина“ лани и преклани добила тендери за набавка на учебници, стручна литература и печатени материјали во вредност од 8,5 милиони евра. Лани добивката на компанијата што ги печати учебниците за средно и за основно образование и работните материјали била 1,81 милиони евра, а во 2016 година прифитот изнесува 1,74 милиони евра
Скопската компанија „Арс ламина“ во периодот од 2016 и 2017 година има добиено 66 тендери од државни институции вредни повеќе од 8,5 милиони евра. Најголемите тендери се за печатење на учебниците за основно и за средно образование и додатен работен и дидактички материјал кои ги доделува Министерството за образование. Нејзиниот профит лани е 33 отсто од приходите, а во 2016 година е 25,5 отсто од приходот.
Дури 25 од 60 добиени тендери во 2016 година се од Министерството за образование. Најголемиот од нив е за набавка на учебниците за основно и за средно образование и тој договор вреди 3,9 милиони евра. Тој тендер на „Арс Ламина“ во 2016 година и носи 64 отсто од сите приходи од тендери добиени во таа година. Вкупните приходи од тендерите во 2016 година изнесуваат 6,1 милиони евра. Колку е големо учеството на приходите од тендери за „Арс ламина“ говори и фактот што од целиот приход во 2016 година кој изнесува 6,83 милиони евра и дури 89 отсто се приходи од тендерите што компанијата ги добива пред се од Министерството за образование и од Министерството за култура.
Во следната 2017 година „Арс Ламина“ добива вкупно 6 тендери од државни институции, од кои убедливо најголеми се двата за набавка на учебници за основно и за средно образование од Министерството за образование. Нивната вредност е 2,456 милиони евра. Другите три тендери заедно се на износ од околу 2.500 евра. Лани „Арс ламина“ има вкупен приход во износ од 5,46 милиони евра, а учеството на двата тендери од Министерството за образование во вкупниот приход е 45 отсто.
Каков е профитот на „Арс Ламина“?
Профитот на „Арс Ламина“ лани е 1,81 милиони евра и во споредба со 2016 година е поголем за 70.000 евра. Многу поважно е тоа што профитот на компанијата лани е 33 отсто од сите приходи што е резултат што многу компании можат да го сонуваат. Во 2016 година профитот е 25,5 отсто од целиот приход.
„Арс Ламина“ е голем издавач во земјава. Компанијата постои повеќе од 10 години и има 42 вработени лица.
Р. Ф.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
КАМЕРИТЕ СЕ БОЈАТ, КРШАТ, КРАДАТ И ФРЛААТ ВО РЕКИ: Еве како поминале камерите на Сејф сити во земјите низ Европа и на Балканот
СДСМ се „пере“ од Груевски – Се враќа ли опозицијата на „антирежимските“ корени
Ако сакаш да не најдеш решение формирај комисија – Што ќе донесе анкетната расправа за Кочани?
