Колку ќе добијат пензионерите со покачувањето на пензиите согласно трошоците за живот?
Објавено во: Македонија 28 Март, 2018
Согласно законското усогласување на пензијата што се врши
според движењето на индексот на трошоците на животот, пензиите за март што
пензионерите ќе ги добијат во април ќе бидат покачени за 1,69 проценти.
Ова усогласување се врши согласно член 37 од Законот за пензиското и
инвалидското осигурување. Според оваа одредба, како што пренесува МИА,
усогласувањето на пензијата се врши согласно движењето на индексот на трошоците
на животот во висина од 50 проценти и порастот
на просечно исплатената плата на сите вработени во Република Македонија
во висина од 50 проценти.
Пензијата се усогласува од 1 јануари и од 1 јули секоја година според процентот кој се добива како збир на порастот на индексот на трошоците на живот во претходното полугодие и процентот на порастот на просечно исплатената плата на сите вработени во Македонија во претходното полугодие, во однос на полугодието кое му претходи.
Минатата година пензиите се усогласиле согласно законската одредба одредба два пати годишно и вкупното усогласување изнесуваше 1,58%.