Колку ќе ја чини Србија заемот од Емиратите?

Добивај вести на Viber

На прв поглед, условите за таканаречениот „арапски кредит“ од една милијарда американски долари, што Србија го зеде од Обединетите Арапски Емирати, би израдувале секој просечен граѓанин доколку ги чуе од неговата банка. Кредитот е со рок на отплата од 10 години, со каматна стапка од 2%, првата рата ќе започне да се отплаќа за шест месеци. Но, ако се погледнат условите во кои земјата го зема кредитот, сликата е далеку од поволна. Според последните проценки на Фискалниот совет, Србија до крајот на годината ја очекува буџетски дефицит од 7% од БДП, кој мора да го намали на планираните 4,6%. На српската економија и се предвидува раст од само 1% годинава, така што останатиот минус ќе мора да се покрие со задолжување. Колку на една држава и е попотребно задолжување, толку кредитите што се нудат се поскапи. Кредитот од Емиратите изнесува само една милијарда долари, додека српската Влада планира од кредити да добие три милијарди евра. Оваа милјарда ќе мора да биде искористена за предвремена отплата на други кредити со повисоки каматни стапки, кои изнесуваат и над 7%, а кои српската економија веќе не може да ги издржи. Сепак овој кредит е далеку од трите милијарди евра кои и се потребни на Србија и тоа може да го разниша финансискиот план на државата. Информациите од крајот на минатата година покажуваат дека Србија била задолжена огромни  2.185.920.841.586 динари, а со нереформирана економија и во економска криза тешко добива поволни кредити за да ги отплати долговите што доспеваат. Пресметката покажува дека за да ги отплати долговите дома и во странство цела Србија треба да работи 2,5 години, а притоа да не потроши ниту динар!