Колку може да издржи Грција без помош од кредиторите?

Добивај вести на Viber

Задолжената Грција веќе има сериозни проблеми, но работите може да станат и полоши за економијата, валутаата, државниот сектор и банките, пишува  "Гардијан" во текстот под наслов "Колку долго може да преживее Грција без помош од доверителите ? "

Кои се клучните датуми? 30 јуни: одложено плаќање од 1,6 милијарди евра кон ММФ 30 јуни: две милијарди евра должат на вработените во јавниот сектор во Грција и на пензионерите 5 јули: референдум во Грција за тоа дали да бидат прифатени мерките за штедење 20 јули: 3,5 милијарди евра должат на Европската централна банка (ЕЦБ).

Банките се чини дека имаат доволно средства за да исплатат две милијарди евра за плати и пензии оваа недела, но она што е помалку јасно е колку средства останале во банкарскиот сектор за плаќања со штедачи.

Банките веќе ги ограничија своите клиенти за повлекувања во износ до 60 евра на ден, но никој сеуште не кажа колку долго банките ќе можат да ги полнат банкоматите.

Најлошото што може да се случи е грчката централна банка да биде принудена да премине кон нова валута, најверојатно со пониска вредност од еврото.

Грците може да подготвиле план за управување со долгови за неколку години, најверојатно со грејс период од една или две години додека земјата ги реши работите и со намалување на првично достасаниот износ.

Ако грчката централна банка не може да ги плати своите обврски од 3,5 милијарди евра на Европската централна банка на 20 јули, ќе има проблем.

ЕЦБ може да го прекине пристапот до еврото целосно Без пристап до евра на грчките банки ќе им биде тешко да останат отворени. Ако ЕЦБ не може да види решение на спорот меѓу Грција и нејзините доверители, може да одлучи дека Грција е во стечај и да го блокира понатамошниот пристап до грчки банки.

Според агенцијата за рејтинг "Мудис" неисполнување на обврските кон ЕЦБ би било последната капка.