КОЛКУ ОД НАСЕЛЕНИЕТО ВО МАКЕДОНИЈА ИМА ИМУНИТЕТ НА КОРОНА ВИРУСОТ: Денеска почнува скрининг-тестирање за Ковид-19 за процена на имунитетот
![](/media/main/2022/02/20220214074053.jpg)
Објавено во: Македонија 14 Февруари, 2022
Од денеска во
Скопје почнува серолошката анализа на населението која треба да покаже колку од
луѓето имаат некаков имунитет на корона вирусот. Тестирањето ќе се спроведе на
случаен примерок од 1.000 граѓани во главниот град, но според здравствените
власти, скрининг тестирањата може да се реализираат и во останатите градови во
Македонија.
Ваквата постапка, според претседателот на Комисијата за заразни болести, Александар Петличковски ќе биде од голема полза на Комисијата во насока на планирање на следните активности, односно идните мерки кои би ги препорачувале и би ги носеле.
Според минатонеделната изјава на д-р Петличковски, претходната серолошка анализа која исто така беше направена за да се провери процентот на граѓаните кои имаат некаков имунитет на Ковид-19, покажала дека околу 30 отсто од тестираните граѓани биле серопозитивни, односно имале некаков имунитет, кој се должел исклучиво на прележаната болест.
Истовремено и министерот за здравство Беким Сали нагласи дека серолошката анализа ќе биде од исклучително значење за здравствениот систен, потенцирајќи дека ваквите скрининг тестирања ќе се прават и во останатите градови во Македонија. Нагласува дека засега точна статистика имаат само за вакцинираните граѓани, но нема точни податоци за луѓето кои ја прележале болеста, особено поради фактот дека голем број токму во овој период не прават ПЦР тетсови пред се заради лесните симптоми кои ги дава омикрон варијантата.
–Знаејќи дека заразените со омикрон поминувааат со полесна клиничка форма, голем број од нашето население не отишле за ПЦР-тест или сами ја понале болеста во домашни услови. Сакаме да имаме јасна слика колку од нашето население го поминале ковидот и врз основа на овие резултати, ќе имаме една слика и мислам ќе излеземе пред јавноста да речеме дека според нашите бројки, евиденцијата која ја имаме, 41 процент се имунизирани со вакцина, но врз основа на истражувањето, можеби, сме 60 проценти имунизирани на природен начин, рече министерот Сали.
Во разговор за Фактор и матичните лекари потврдуваат дека изминатиот период имале огромен број на пациенти чии брзи тестови купени во аптеките им покажале дека се позитивни на корона вирусот, но поради неможноста да им обезбедат термин за ПЦР тест во лабораториите, тие не се влезени во системот и едностанвно не постојат како бројка на потвредни позитивни на Ковид-19.
-Тоа беше проблем, но и се уште е така. Дел од граѓаните кои ги имаат сите симптоми на болеста, се тестираат само со брзите тестови за домашна употреба,. Тешко се доаѓа до термин во лабораториите, а кога ќе ги пратиме во приватните лаборатории, одбиваат да одат да се тестираат, пред се заради високата цена. Правевме обиди, да успееме да им закажеме во некои од лабораториите во блиските градови, некои од нив одат, некои не сакаат. Затоа, ваквото скрининг тестирање, серолошката анализа, навистина очекуваме да даде попрецизна статистика. Ќе видиме дали во Македонија се приближуваме до посакуваниот колективен имунитет, без разлика дали е добиен со вакцинација или со прележување на вирусот. Инаку, ги лекуваме сите според симптоматологијата, без разлика дали се потврдени на вирусот или не, велат матичните лекари.
Анита Буховски
Можеби ќе ве интересира
ДОЖДОТ ИЗГАСНА ДЕЛ ОД ПОЖАРОТ ВО МАРИОВО - два „Ер трактори“ и полициските хеликоптери се неисправни
![](/media/main/250x170/2024/09/20240907193334.jpg)
„Тие што ја посадија семката на коцкањето се обидуваат да ја дефокусираат јавноста“: Вреди најавува нов закон за намалување на казината
„Се расчистуваше ли теренот за приватен инвеститор да постави ветерници“: Левица прашува дали е коинциденија пожарот на Плакенска планина
![](/media/main/250x170/2024/09/20240907175806.jpg)
„ДА СЕ ИСТРАЖИ КАКО Е ИЗБРАНА ФИРМА ЗА НАДЗОР НАД КОРИДОРИТЕ 8 И 10“: Николоски вели до крај на 2026 ќе се вози по автопат кон Охрид
ПО РАСПРАВИЈА ГО НАПАДНАЛЕ СОСЕДОТ СО ТВРДИ ПРЕДМЕТИ - уапсени две лица од Кочани за убиство
![](/media/main/250x170/2024/09/20240907153147.jpg)
ОГНЕНАТА ЛИНИЈА ВО МАРИОВО СЕ ПРОШИРИ - на терен испратени се преку 200 професионалци
![](/media/main/250x170/2024/09/20240907135407.jpg)
Охриѓанец бара помош од полиција - на телото на детето забележал подливи откако го земал од градинка
![](/media/main/250x170/2024/09/20240907124337.jpg)