Колку половни возила се увезени годинава?
Објавено во: Економија 11 Ноември, 2016
Од јануари до октомври во Македонија се увезени 22.213 употребувани возила, што е повеќе од минатата година.
Во првите десет месеци лани се увезени 18.244 употребувани возила, покажуваат податоците на Царинската управа на Република Македонија.
Бројот на увезени половни автомобили е зголемен за 3.969 возила или 21,7%.
Само во октомври според статистиката во земјава се увезени 1.745 возила, што пак
на месечно ниво споредено со октомври лани кога биле увезени 2.300 употребувани
возила има намалување за 555 половни автомобили.
Годинава најмногу увезени половни автомобили се внесени во јуни и тоа 3998, а во мај имало 3177.
Најмалку се увезени во јули и тоа 1070 половни автомобили.
Бројот на увезени половни автобуси, минибуси и камиони е значително помал.