Колку самохрани родители ќе добијат платежни картички?
Објавено во: Економија, Корона Вирус 21 Октомври, 2020
Со четвртиот пакет мерки на Владата 5.726 самохрани родители ќе добијат платежни картички.
Ова е поддршка во справувањето со последиците од економската криза.
„Тоа ќе значи зајакнување на семејните буџети на над 5.700 семејства и поттикнување на приватната потрошувачка. Платежни картички ќе добијат и пензионерите со пензии пониски од 15.000 денари, пасивните баратели на работа, самостојни уметници, филмски работници, културни работници и естрадни уметници, како и 540 студенти, но и граѓаните кои се над 64 години, а немаат пензија, ниту државна социјална пензија и се со приходи пониски од 15.000 денари, или воопшто немаат приходи“, се наведува во соопштението на СДСМ.
Платежните картички ќе бидат во износ од 6.000 денари.
Државата ги доделува со цел да го ублажи шокот од епидемијата на коронавирусот, но и да им се помогне на граѓаните и домашните компании.