Колку „тежат“ штетите врз Буџетот кои ги откри СЈО со новите истраги?
Објавено во: Македонија 11 Октомври, 2018
Специјално јавно обвинителство вчера отвори шест нови истраги, во кои има основано сомнение за предизвикана финансиска
штета на Буџетот на Република Македонија во износ од речиси 80 милиони евра.
Кодните имиња се: ПОДАРОК, ПРОПАГАНДА, ДИЗАЈН, ХАРМОНИЈА, БАЗНИ СТАНИЦИ, и ПАЦИЕНТ.
Ќе ги гонат екс премиерот Никола Груевски, поранешниот министер за финансии Зоран Ставрески, екс министерот за транспорт и врски, Миле Јанакиески, поранешниот министер за здравство, Бујар Османи и други.
Се „купувале“ медиуми за да се врши пропаганда, се местеле тендери, се давале парцели на блиски луѓе по екстра ниска цена и ред други злоупотреби.
Обвинителката Катица Јанева вели дека целта им е парите кои се украдени од граѓаните да се вратат, а за Никола Груевски очекува дека до крајот на овој месец ќе почне да ја издржува казната затвор од две години за случајот „Тенк“.