Коњановски: 1,5 милиони евра за развој на рибарството
Објавено во: Агробизнис 04 Јануари, 2013
Со владина поддршка од 90 милиони денари(околу 1,5 милиони евра) ќе се развиваат рибарството и аквакултурата во Македонија во текот на 2013-та година.
„Со ова упатуваме јасна порака за нашата доследност во делот на земјоделството, но истовремено и порака за сите инволвирани страни во рибарството и аквакултурата дека оваа област ќе продолжиме да ја поддржуваме со уште посилно темпо“, изјави заменик-министерот за земјоделство, шумарство и водостопанство Зоран Коњановски кој денеска во Демир Хисар се сретна со претставници на групацијата на рибопроизводители при Стопанската комора на Македонија и здружението на рибопроизводители Аквафортис.
Според Коњановски во 2006 година не биле издвојувани средства за поддршка на рибарството и аквакултурата, во 2009 година државата вложила 43 милиони денари, во 2010 и 2011 година финансиските средства за развој на рибарството и аквакултурата изнесуваа околу 64 милиони денари, а во 2012 година 75 милиони денари.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
