Концесионерот бара целосна забрана за лов на пастрмка во наредните 10 години

Добивај вести на Viber

Концесионерот на Охридско езеро испратил до Министерството за земјоделство барања за мораториум за лов на охридска пастрмка во следните десет години, но за истата мерка да се примени поголема физичка заштита и контрола.

­„И со успешни мрестови последниве пет години и со ефикасна физичка заштита која што ја имаме ние, со рибочуварската служба сметам дека не е доволно да се возобнови популацијата на рибниот фонд“ вели Ристо Танасоски концесионер од „Пастрмка 201“

На концесионерот во првата риболовна основа му беше дозволено да лови 40 тони пастрмка, а не успеале да уловат ниту 400 килограми, што е доволен доказ дека состојбата со пастрмката е алармантна. 

­ „Оваа година имавме многу успешен мрест односно во охридскиот дел на Охридското езеро се собрани 2 200 000 зрна икра во струшкиот дел 600 000 и според наши информации од албанската страна се собрани над милион икра подмладок охридска пастрка со тоа се надеваме дека Охридското езеро ќе биде порибено со над 3 милиони 800 0000 подмладок со што ќе биде рекорд во последните десет години“, вели Танасоски.

Потполна забрана за лов на пастрмка имаше од 2004 до 2012 година, но тогаш езерото без концесионер, беше секојдневна мета на рибокрадците. Со забрана за лов на пастрмка, усогласена од македонска и албанска страна на езерото, мешовити рибочуварски служби, езерската полицијата и надлежните институции се очекува да се возобнови охридската пастрмка.

Извор: kanal5.com.mk