Добивај вести на Viber
Министерот за транспорт и врски Мисајловски, во своето прво интервју откако е министер вели дека изградбата на автопатите низ Македонија е во полн ек. Тој го надополнува премиерот, дека во изградбата ќе се вклучат повеќе од 2000 работници.
Мисајловски го замени Јанакиески, откако претходниот министер поднесе оставка, како резултат на објавените прислушувани разговори на опозицијата.
Мисајловски, слично како и Јанакиески важи за човек од доверба во врвот на ВМРО ДПМНЕ.
„Јас очекувам дека согласно динамиката ќе стигнеме во определениот временски рок, односно договорот што го имаме потпишано со „Синохидро“. Ме радува што се зголемува бројката, бидејќи со овие автопатишта ја градиме иднината на Македонија. Тоа е најважно од се“, вели Мисајловски
Ви пренесуваме дел од интервјуто на г-динот Мисајловски:
Кој е крајниот рок на завршување на автопатот Миладиновци Штип?
Треба да го завршиме за три години. Имавме проблеми со врнежите. Моментално веќе една година работиме на трасата. Освен со врнежите имавме големи проблеми со снегот што падна, но затоа и сега темпото е зголемено, за она време што поминало да го стигнеме. Затоа и постојано надзорот пристиска за постојано да се работи, за да можеме да го исполнеме договорот и за да можеме да ги исплатиме луѓето што работат, односно компаниите кои работат на овој потег.
Работите и на рехабилитација на постојниот автопат Велес- Скопје, делницата кон Катланово?
Тука ќе добиеме нова, модерна делница. Моментално таму се работи, очекувам дека наредниве два- три месеци ќе биде комплетно готова. Тоа ќе биде една европска, модерна делница. Како што може да забележите во изминатиот период од Скопје до Велес, веќе го рехабилитиравме тој пат. Но, освен тоа бележиме и нова бела лента, поставуваме нови сообраќајни знаци, ќе бидат ставени над 1.500 сообраќајни знаци. Осветлувањето на клучките е исто така многу важен проект, важно е да бидатосветлени оние кои не се досега. Исто така имаме и доста тендери распишано и за свлечиштата што се појавија во зимскиот период. Паралелно работиме на сите градби.