Коњановски: Годинава очекуваме да се откупат 30.000 тони тутун

Добивај вести на Viber

Пред почетокот на раниот откуп на тутунот во кутии, кој почнува од први октоврми, заменик министерот за земјоделство, Зоран Коњановски денеска ги посети тутунопроизводителите во Прилеп, како и вработените во подрачната единица на министерството и раководството на Тутунскиот комбинат . - Ова е моја редовна посета пред почетокот на раниот откуп на тутунот да видам како се сите подготвени за почетокот на кампањата. Очекувањата се годинава да се преземат вкупно околу 30.000 тони од годинашнава реколта што е повеќе од лани кога се откупија 27.000 тони тутун. Околу 42.000 договори се скучени на ниво на држава меѓу откупувачите и оние кои произведуваат тутун - изјави Коњановски. Според заменик министерот, во Македонија расте интересот за тутунопроизводство, а државата континуирано го субвенционира. За Коњановски ова е битен сектор, производството и прометот на тутун и тутунски преработки, зашто во бруто домашниот производ учествува со 3,2 проценти. Во раниот откуп на тутунот, кој почнува од 1-ви октомври и ќе трае до крајот на месецот, планирано е да се откупат од 6000 до 8000 тони тутун. Од разговорите со тутунарите и откупувачите, договорено е да се постигне повисока просечна откупна цена и тоа од сортите „Прилеп“ и „Јака“ и се очекува да биде повисока од 4 до 8 проценти од ланската, која беше нешто над 180 денари за еден килограм. За Министерството е најбитно двете страни да се задоволни, да има добар откуп, добар род, рече Коњановски. Од десетте регистрирани откупувачи во земјава, пет компании ќе преземаат во раниот откуп.