12 Јули, 2020
0.0389

Коронавирусот ги потроши топломерите и парацетамолот: Македонци од Лондон сведочат за Фактор

Објавено во: Свет, Корона Вирус 25 Март, 2020

Не постои голем страв поради ширењето на коронавирусот во Лондон, но се забележува нервоза од неизвесноста. За луѓето се невообичаени редиците пред големите маркети или пред аптеките, сведочи Роберт Мех, Македонец, кој веќе 20 години живее во Лондон. Вели дека во изминативе неколку денови во аптеките во Лондон едноставно нема да се купи топломер.

-Најверојатно во паника, а и поради апелите на владата веднаш да се пријавуваат оние кои имаат симптоми на коронавирусот, а еден од нив е температурата, овие денови во аптеките се потрошија топломерите. Исто така, го снема и парацетамол, отако пред некој ден имаше информации, во случај на повишена температура да не се земаат други антипиретици освен парацетамол, вели Мех.

Не се прават посебни залихи на храна, но заради почитувањето на мерките, редиците пред маркетите за храна се честа глетка во Лондон. Мех појаснува дека се купува вообичаено како и секаде: тестенини, брашно и тоалетна хартија и средства за хигиена. Рестораните за брза храна работат само Take away.

Во Лондон се испразнија парковите, не работат училиштата, автобусите се празни, ќе се види само по некој на метро станиците, оние кои мора да одат на работа. 

-Нема непотребни излегувања од дома, откако вчера премиерот Борис Џонсон ги соопшти мерките. Казните се превисоки, но и не е само поради казните, свеста за опасноста од ширењето на вирусот е голема, раскажува Мех.  

Многу од компаниите, конкретно во Лондон, ги отпуштија од работа сите оние кои беа на пробна работа. Но, има и компании кои имаат свои фондови за вакви кризни ситуации, па и покрај тоа што работниците не одат на работа, ќе земаат плата. Инаку, цените на производите останаа исти, нема покачувања. Владата го контролира тоа и ги затвора сите кои пробаа да ја искористат ситуацијата, вели Мех.

Во текот на изминатава недела, Националната здравствена служба на Англија идентификуваше и контактира со 1,5 милиони луѓе со најголем ризик, кои треба да останат дома 12 недели. 

Мерките што ги воведе британската Влада за социјална дистанцираност се навистина јасни. Луѓето треба да бидат на два метри оддалеченост едни од други и да останат дома доколку е можно.

Анита Буховски


Можеби ќе ве интересира

ЕВЕ КОИ ЗЕМЈИ НАЈДОБРО СЕ БОРЕА - но короната се враќа и не се знае кога ќе замине

ЕВЕ КОИ ЗЕМЈИ НАЈДОБРО СЕ БОРЕА - но короната се враќа и не се знае кога ќе замине

Ердоган нема да чека долго, на 24 јули во Аја Софија почнуваат молитвите

Ердоган нема да чека долго, на 24 јули во Аја Софија почнуваат молитвите

ИЗГЛЕДА НЕМА НИШТО ОД ИМУНТЕТОТ НА СТАДО - тешко дека вирусот ќе биде искоренет наскоро

ИЗГЛЕДА НЕМА НИШТО ОД ИМУНТЕТОТ НА СТАДО - тешко дека вирусот ќе биде искоренет наскоро

НЕ САМО ВТОР, ЌЕ ИМАМЕ И ТРЕТ БРАН ОД КОВИД-19 - предвидувања на германски виролог

НЕ САМО ВТОР, ЌЕ ИМАМЕ И ТРЕТ БРАН ОД КОВИД-19 - предвидувања на германски виролог

Научниците ќе дадат одговор како вирусот од животни се пренел на луѓе

Научниците ќе дадат одговор како вирусот од животни се пренел на луѓе

Кина обвини, а Казахстан демантира дека кај нив се шири болест поопасна од короната

Кина обвини, а Казахстан демантира дека кај нив се шири болест поопасна од короната

СЗО ПРИЗНА: Вирусот се пренесува преку воздух во ресторани и спортски сали, но потребни се уште истражувања

СЗО ПРИЗНА: Вирусот се пренесува преку воздух во ресторани и спортски сали, но потребни се уште истражувања

(ВИДЕО) ТАА Е ХЕРОЈ: Meдицинска сестра им свири на виолина на заразените од коронавирусот

(ВИДЕО) ТАА Е ХЕРОЈ: Meдицинска сестра им свири на виолина на заразените од коронавирусот

Ширењето на коронавирусот е надвор од контрола, алармира СЗО

Ширењето на коронавирусот е надвор од контрола, алармира СЗО