KOРОНАВИРУСОТ „КОСИ“: Дали Македонците се плашат да нарачуваат од Али експрес?
Објавено во: Македонија 05 Февруари, 2020
Ако се суди според податоците добиени од македонските пошти, кај граѓаните не постои страв да нарачуваат облека и други производи од Кина.
Откако корона вирусот е топ тема во светот, тие не забележале пад на нарачките од Али експрес, кои се доставуваат до граѓаните.
„Во изминатиот период не е забележана тенденција на намалување на пристигнати пратки од Али експрес и според вообичената динамика се доставуваат и се подигнувааат пратките од страна на нашите корисници. Од Светскиот поштенски сојуз и надлежното Министерство за здравство немаме добиено информација за понатамошно постапување заради коронавирусот“, информираат од Пошта на Северна Македонија.
Граѓаните на оваа тема се со поделени мислења. Некои се плашат, а други не.
„Воопшто не се плашам, затоа што мислам дека сето тоа повеќе е пропаганда отколку реална опасност“, вели штипјанец.
Тони К. од Тетово вели дека одредена резерва периодов треба да постои поради здравствени ризици.
„Сега не би било препорачливо да се купува затоа што слушаме на вести за вирусот дека е опасен. Граѓаните според мене треба да внимаваат. Јас лично сега не би купил ништо, не би нарачал, но сметам и дека она што доаѓа од Кина не е квалитетно, затоа што има луѓе кои купувале, и не се задоволни. За среќа, вирусот засега е далеку од Македонија, и немаме некоја посебна причина за загриженост“, додава тој.
Ниските цени на Али експрес сега се во втор план, откако граѓаните се прашуваат дали со пакетите може да се пренесе и коронавирусот. Дали епидемијата може да се прошири во повеќе земји и има ли простор за паника ако чекате за пакет два месеци. Стручни лица од соседството смирија дека преку пакет не може да се пренесе вирусот, тоа е според првичните сознанија, но напоменаа дека тие околности може да се променат.
Од појавата на вирусот во декември во кинескиот град Вухан досега се заразени повеќе од 20 илјади луѓе, а болеста се прошири во дваесетина земји. Од вирусот досега починаа над 425 луѓе само во Кина.Сања Атанасовска
Можеби ќе ве интересира
На бугарскиот министер Милков му пречи што Гимназија во Скопје се вика Јосип Броз Тито
Му се заканиле и го натерале да потпише испратници за 38.000 евра
Лица од Скопје, Гостивар, Куманово и Струга се најдоа на „црната листа“ поради војување во Сирија
Маж и жена од Кочани завршија во болница откако јаделе печурки
Непознат сторител го вандализирал македонскиот клуб „Никола Вапцаров“ во Благоевград уште пред да биде официјално отворен
Жан Митрев покрај одземениот пасош, дал и гаранција од милион евра
Лидија Димова: Премиерот има интерес за отворање нов универзитет, а другите се разбираат само во финансии
