Косово преплавено од фалц монети од 2 евра, бизнисмените бараат помош
Објавено во: Балкан 05 Декември, 2023 14:31
Бизнисмените во Косово бараат помош од косовските институции за отстранување на лажните монети од 2 евра, пишува весникот „Коха диторе“.
Во ноември беше објавено големо зголемување на фалсификуваните пари на косовскиот пазар, повикувајќи се на форензичари. Најфалсификувани според експертите се банкнотата од 50 евра и монетата од 2 евра.
Многу трговци во Косово, како и контролори во јавниот превоз, престанаа да примаат плаќања од 2 евра, објавија косовските медиуми.
Весникот наведува дека фалсификувани монети од 2 евра во вредност од близу 30.000 евра биле регистрирани само во еден бизнис - супермаркет во градот Урошевац (Феризај). Според еден од сопствениците на супермаркетот, Сулејман Незири, деловните банки не прифаќаат фалсификувани пари, а Централната банка не нуди решение за проблемот.
Постои уште еден проблем, рече Незири, бидејќи клиентите нема да прифатат ниту вистински 2 евра како кусур од страв дека монетата може да биде лажна. Според него, верификацијата на монетите во моментов се врши со магнети.
Економскиот експерт Адем Чороли изјави дека Централната банка на Република Косово треба да преземе сериозни мерки за справување со проблемот. Чороли рече дека граѓаните и бизнисите во Косово долго време предупредуваат за фалсификатите, а од институцијата нема реакција.
Централната банка на Косово се уште не одговорила на прашањата на „Коха диторе“ за фалсификуваните пари, забележува весникот.
На крајот на ноември, косовската полиција уапси шест лица од Косово и од Република Македонија за фалсификување пари. Во полициската акција биле запленети фалсификувани монети од 2 евра во вредност од над 85 илјади евра.
Можеби ќе ве интересира
НЕСРЕЌАТА ВО КОЧАНИ СИЛНО ГО ПОТРЕСЕ РЕГИОНОТ: Се крева алармот, колку се безбедни клубовите во Грција?
РАБОТНИЦИ ОД АЗИСКИТЕ ЗЕМЈИ СЕ ДОСЕЛУВААТ НА БАЛКАНОТ: Голем дел се во Хрватска - дали тоа ќе ја промени демографијата?
ВО ЧЕСТ НА ЖРТВИТЕ ОД КОЧАНИ: Босанец во Тузла постави 59 свеќи
СРЕДЕ ОСИЕК СУДАР НА ДВА ГРАДСКИ АВТОБУСИ – 20 ЛУЃЕ ЗАВРШИЈА В БОЛНИЦА: Никој не е во животна опасност
„РЕКВИЕМ ЗА ЗАПАДЕН БАЛКАН: И БЕЗ ВОЈНА, ТОЈ ГО УБИВА СВОЈОТ НАЈВРЕДЕН РЕСУРС- МЛАДИТЕ“: Неделна колумна на Пословни во која се споменува и Кочани
ТУРСКИОТ СУД ПРЕСУДИ: Поранешниот градоначалник на Истанбул доби притвор поради обвинение за корупција
ЈАЈЦА, КАМЕЊА И ВОДА ЗА ГРАДОНАЧАЛНИКОТ НА НИШ - Драгослав Павловиќ беше нападнат од група учесници на вчерашниот протест
ПОЧИНА МАТУРАНТОТ ВУКАШИН – ТОЈ Е Е 16-ТА ЖРТВА ОД ТРАГЕДИЈАТА ВО НОВИ САД: Не издржа по 4 месеци и 20 дена борба за живот
ПРАТЕНИК ОД БУГАРИЈА СОБРА 27.000 ЕВРА ЗА ПОВРЕДЕНИТЕ ВО ПОЖАРОТ: Вели проблемите ќе дојдат подоцна и ќе имаат потреба од интервенции
