Косово: Собираат доброволни прилози за предизборната кампања

Добивај вести на Viber

Во косово се вжештува изборната кампања, а пари за неа партиите и движењата наоѓаат кој како зна е и умее. Како што јави МИА, косовското движење „Самоопределување“ сега собира доброволни прилози од граѓаните за својата кампања. Акцијата се вика „Дарувај за промени“, а веќе се собрани околу 40 илјади евра. Од Движењето сепак очекуваат дека ќе собераат 252 илјади евра, колку што сметаат дека ќе чини нивната предизборна кампања. „Нам не ни се доволни средствата што ги добиваме од Фондот за подршка на политичките субјекти, од каде за 2013 година добивме нешто помалку од 500.000 евра. За сегашната кампања нам ни се доделени само 5.300 евра“, изјави член на движењето. За финансирање на партијата во 2010 додина, лидерот Албин Курти го продаде сопствениот стан во Приштина го продал за 70.000 евра. Со овие пари тој го помогна „Самоопределување“ и се врати да живее со неговите родители. „Самоопределување“ е познато по ставовите за обединување на Косово, Албанија и на сите други албански територии во регионот во една држава. Локалните избори се закажани за 3 ноември, а на нив ќе учествуваат 103 политички субјекти, од кои 50 се албански, 31 српски, 9 турски, 3 црногорски, по два ашкалиски и ромски и по еден на Горанците, Египќаните и Хрватите.