КОСТА КОСТОВСКИ ПОВЕЌЕ НЕ Е НЕИЗВРШЕН ЧЛЕН НА ОДБОРОТ НА ДИРЕКТОРИ НА БЕРЗА - поднел оставка од функцијата

Добивај вести на Viber

Коста Костовски, син на бизнисменот Трифун Костовски и косопственик на сега пропаднатата Еуростандард банка, повеќе не е неизвршен член на Одборот на директори на Македонската берза за хартии од вредност.

Оваа промена е објавена вчера во Централниот регистер на земјава.

Потоа, како што велат нашите информации, Берзата, според законските прописи, мора да констатира дека престанала неговата функција како неизвршен член на Бордот на директори на Берзата.

Како што е познато, до скоро, односно до 16 јуни годинава Костовски беше претседател на Одборот на директори на берзата, по што беше направена промена и на негово место дојде Тони Стојановски од Стопанска банка. 

Рокадата беше изгласана на седница на Одборот на директори на берзата на 12 јуни, по што Коста Костовски продолжи да биде член на Одборот на директори, но не беше на негово чело.

А како што е познато, откако Народна банка на Македонија и ја одзеде дозволата за нработа на Еуростандард банка, Берзата веднаш ја исклучи трајно од нејзиното членство банката на бизнисменот Трифун Костовски.

Н.Н.Ф.