Ковачевски ги соопшти кадрите и кажа на што ќе се фокусира
Објавено во: Македонија 10 Јануари, 2022
Лидерот на СДСМ, Димитар Ковачевски вечерва ги најави кадрите за новата Влада.
Станува збор за Славица Грковска, вицепремиер за антикорупција, Фатмир Битиќи, вицепремиер за економија, а понатаму следат, Бојан Маричиќ, вицепремиер за евроинтеграци, Славјанка Петровска, министер за одбрана, Оливер Спасовски, министер за внатрешни работи, Никола Тупанчевски, министер за правда, Љупчо Николовски, министер за земјоделство, Јована Тренчевска, министер за труд и социјала, Бисера Костадиновска-Стојчевска, министер за култура, Благој Бочварски, министер за транспорт и врски.
Како што рече Ковачевски, предлозите за нови министри и предлог-владината програма ќе ги достави до парламентот уште во текот на утрешниот ден.
Фокус ќе биде ставен на одговор на светската енергетска криза, раст на економијата, намалување на невработеноста. Ковачевски вели дека состојбата со ковид пандемијата внимателно ја следат. Најави финиширање на крупните делници од Коридорот 10 и Коридорот 8.