Ковачевски најави пет теми кои ќе доминираат на утрешната средба со Петков
Објавено во: Македонија 17 Јануари, 2022
Областа на економијата, образованието, иновациите, инфраструктурата, евроинтеграциите се темите кои ќе доминираат во утрешниот разговор во Скопје, најавува новиот премиер Димитар Ковачевски пред пристигнувањето на претседателот на бугарската влада Кирил Петков.
- Јас се надевам дека прво низ работа, бидејќи ние со Петков нема да потпишуваме договори, ќе ја вратиме довербата. За соработка во областа на економијата, ќе ги повикаме стопанските комори, универзитетите ќе соработуваат во образованието, ќе има соработка и во иновациите. Во обвразованието и младите ќе воспостават подобра комуникација помеѓу себе, рече Ковачевски по приемот кај претседателот Стево Пендаровски.
Очекува дека овие теми ќе надвладеат над историските и најави средба со лидерот на ВМРО-ДПМНЕ, Христијан Мицкоски.
- Во услови кога имаме енергетска и еконосмка криза и здравствена пандемија, сметам дека сите политичари и експерти треба да дадат придонес за овие проблеми. Во таа насока ќе воспоставиме комуникација и со господинот Мицкоски, потврди Ковачевски.