Ковачевски: Ние не ја чекавме Данела Арсовска со трубачи
Објавено во: Македонија 01 Декември, 2022
Премиерот Димитар Ковачевски денеска на прес конференција изјави дека немал никаков таен состанок со никого, ниту со градоначалничката на Скопје, Данела Арсовска.
Кажа дека ВМРО-ДПМНЕ ветуваше дека Скопје ќе биде модерен град. Вели дека тој не ја чекал Данела Арсовска со трубачи. Ковачевски потсети дека со еуфорија славеле, ама ништо од ветеното не е исполнето. Премиерот потсети дека тие ветуваа бесплатен јавен превоз, но тоа не се случи.
„Видовте дека претседавачот на Советот на Град Скопје го украде микрофонот на Арсовска и го криеше. На секоја седница се раправа на најдолен начин“, рече Ковачевски.
Рече дека таков човек не треба да биде претседавач, мислејќи на Трајко Славевски. Ги повика ВМРО-ДПМНЕ да се фатат за работа и да не измислуваат тајни состаноци.