Ковачевски се фотографираше со Вучиќ, Петков остана на страна

Добивај вести на Viber

Премиерот Димитар Ковачевски заедно со премиерот на Грција, Киријакос Мицотакис, на Бугарија, Кирил Петков, и со претседателот на Србија, Александар Вучиќ, како и со претседателот на Европскиот совет,  Шарл Мишел, имаа свои поздравни обраќања на свечената церемонија на започнување на реализацијата на изградбата на терминалот за течен природен гас (ЛНГ) во Александруполи, Грција.

Во првите редови Ковачевски седеше до Вучиќ, а на следното столче беше Петков. Владината прес-служба објави заедничка фотографија единствено од македонскиот премиер и српскиот претседател.

„Сакам на сите граѓани на Северна Македонија, меѓутоа и на граѓаните на регионот да им испратам порака дека ова се кризни времиња, ние како премиери и претседателот на Србија, тоа што сме сите заедно овде испраќаме порака дека во тешки времиња пријатели и соседи треба да бидат заедно да се помагаат и во таа прилика го истакнувам моето огромно задоволство од многу честите контакти кои ги имавме и на дневно ниво со претседателот Вучиќ, со премиерот Мицотакис во делот на обезбедување на потребните енергенси во текот на зимата, меѓутоа и во делот на непречено снабдување, транспорт и трговија на храна помеѓу нашите три држави“, рече Ковачевски меѓудругото во својот говор.

Премиерот претходно рече дека со оваа инвестиција во која учествува и Макеедонија, јужниот коридор ја намалува зависноста од досега единствениот канал на доток на гас од Русија.