Ковачевски вели дека со Бугарија нема решение кое може да биде основа за меѓусебен договор
Објавено во: Македонија 14 Мај, 2022
Нема да има заедничка владина конференција со Бугарија, а премиерот Димитар Ковачевски вели дека нема усогласено решение за договор.
На 22 мај нема да има заедничка владина конференција со Бугарија од причина што агендите не го дозволуваат тоа.
„Во моментов, министерствата за надворешни работи разменуваат идеи, но нема усогласено заедничко решение кое може да биде основа за меѓусебен договор“, изјави денеска премиерот.
Решение со Бугарија, вели дека е можно единствено ако тоа се заснова на европски вредности, на принципи на задржување на достоинството на граѓаните на двете држави и на меѓусебна почит меѓу политичарите, институциите и граѓаните.
Поранешниот лидер на ВМРО-БНД, Красимир Каракачанов, кој е и поранешен вицепремиер на Бугарија за „Тајмс.бг“ изјави дека премиерот Кирил Петков ќе изврши национално предавство на 24 мај.
Сепак, Петков негираше дека било каков договор или документ ќе потпишува со македонската Влада.