Ковачевски: Зборувањето за историја е уцена, а не гледам осуда и од другите членки на ЕУ

Добивај вести на Viber

Премиерот Димитар Ковачевски на Самитот Македонија 2025 рече дека Македонија и Албанија како земји-членки на иницијативата „Отворен Балкан“ се заложници на политиката на Бугарија за блкокирање на евроинтеграцијата. Според Ковачевски, иницијативата на Македонија, Србија и Албанија ќе донесе зголемување на поединечниот бруто домашен производ кај трите земји.

- Иницијативата „Отворен Балкан“ е произлезена од трите држави како практична имплементација на четирите слободи на проток на стока, услуги, капитал и луѓе. По сите основи на економската логика, иницијативата е позитивна - креира поголем пазар на капитал и економија на обем. На почетокот на јуни на следната средба во Охрид ќе го видиме и премиерот на Црна Гора. Нормално дека ова не претставува замена за нашата евроинтеграција, меѓутоа нашата интеграција, и таа на Албанија, е заложник на Бугарија и сведена е на зборувањето за историја, што практично гледам дека сите земји од ЕУ гледам дека го оправдуваат. Зборувањето за нешто што се случило пред 150 години а не за ветувања е класична уцена и не носи никаков бенефот. Затоа сметам дека зборувањето за теми кои ја засегаат иднината на државата, сегашната економија, треба да се водат сите разговори, рече Ковачевски на панел-дискусијата.

Според премиерот, иницијативата веќе донела олеснување на сите нетарифни процедури на граничните премини, додека српската премиерка Ана Брнабиќ рече дека на 7-8 јуни по следната средба во Охрид ќе се работи на воведување на единствен број за граѓаните на земјите-членки на „Отворен Балкан“ заради прекуграничните работни ангажмани.