Добивај вести на Viber
Од плаќање комунална такса наредната година ќе куртулат дефицитарните занимања и занаетчиите во исчезнувања. Ова го најави портпаролот Александар Ѓорѓиев на денешната прес-конеренција на која информира дека според усвоената методологија од страна на Владата секој прв квартал во годината Државниот завод за статистика на својата веб страница ќе поставува листа на занаети во исчезнувања и оние кои се занимаваат со тие занаети во таа година ќе бидат ослободени од обврската за плаќање комунална такса. Меѓу дефицитарни занаети според првичните анализи се саатчија, производство на музички инструменти, ковач, грнчар, лимар, казанџија, свеќар, крзнар, корпар-сувенирџија, самарџија, шапкар..., но конечната листа ќе ја утврди статистиката.