Козметичка димензија во намалувањето на невработеноста

Добивај вести на Viber

Откако статистиката пресмета намалување на невработеноста, дел од експертите се убедени дека таа е резултат и на одливот на работспособна сила, особено на младото население. Невработеноста заклучно со март, во однос на последниот квартал од лани се намалила за 0,3% и изнесува 27,3%. “Сметам дека одливот на работоспособно население има удел врз вкупната состојба на пазарот со работна сила, а со тоа и врз стапката на работоспособно население, која е основа за пресметка на вработеноста и невработеноста. Имено доколку стапката на работоспособно население се намалува, тогаш се намалува и основата за пресметка за вредностите за невработеноста и вработеноста“, вели за Фактор професорот Узунов, кој воедно е и потпретседател на СДСМ. Според професорот намалената стапка на невработеност е резултат и на неколку други мерки, односно фактори. „Најпрво, тука се вработувањата во администрацијата. Потоа следуваат мерките на Владата за вработување во приватниот сектор, кои се нарекуваат активни мерки но тие имаат краткорочен ефект и се со буџетска поддршка. Сега се случува и операцијата за трансформација на вработени во државен сектор, и сите овие мерки имаа повеќе козметичка отколку економска димензија“, вели универзитескиот професор Ванчо Узунов. Владата ја прогласи стапката на невработеност за најниска во македонската историја.