Крајот на К15 и ерозија на синдикатот!

Добивај вести на Viber

Крајот на К15 веројатно и дефинитивно го означува крајот на синдикалното движење во Македонија. Велат најтешко е да ускратиш право што е веќе преземено, но тоа очигледно не е е случај во нашата земја. Работниците по само една година на примена, останаа без к15, а на синдикатот, односно на неговиот лидер Митревски очигледно око не му трепнува. Синдикатот и Организацијата на работодавачи во текот на неделава треба да ги договорат критериумите од кои ќе зависи дали одредена фирма ќе треба да исплати регрес за годишен одмор и колкава ќе биде неговата висина, но со самото тоа што почнаа разговорите за к15, јасно е дека тоа ќе се сведе на крајот по грбот на работниците. Навистина ваквиот договор ги разбуди другите синдикални движења, но нема фајде за работниците, кога тие не се доволно репрезентативни. И така наместо сите работници да земаат к15, што ќе рече и оние од јавниот сектор, сега без к15 остануваат и оние од приватниот сектор. Од Граѓанските движења велат дека секое изнаоѓање на модалитети значи и прекинување на исплатата на регресот К15. Од Левичарското движење “Солидарност” го повикаа Митревски да не става потпис на едно такво решение. -Не смее да се дозволи и понатаму да се заштедува на сметка на работниците и треба работодавачите ако имаат одреден проблем со финансиското работење да побараат од државата да нема  инспекции по најмала можна основа кај оние фирми кои имаат сериозен проблем во работењето. Не сметаме дека исплатата на К15 за работодавачите е некое големо оптоварување и го повикуваме претседателот на ССМ Живко Митревски да не става потпис со кој ќе го отстрани правото на работниците да примаат К15, се зависи од него, а не од работодавачите, Митревски треба конечно да има разбирање и за животниот стандард на работниците а не постојано да има разбирање за рентабилноста на функционирање на работдавачите и за Влдата. Ако се спушти обврската за К15 од општ колективен договор на посебен колективен договор на ниво на гранка тоа ќе значи дека работовачите ќе немаат обврска да исплаќаат. Во Македонија работниците се доведени до питачки стап и штом еден работодавач нема обврска да го исплаќа тој обично и не ја прави таа обврска бидејќи не очекува дека работниците ќе го притиснат да тоа го направи, така што тоа практично ќе значи укинување на исплатата а не промена на одреден модатилет, вели Здравко Савески, од Левичарското движење “Солидарност”.