Kришнан:И Бангладеш како и Македонија беше вториот дом на Субрата Рој

Добивај вести на Viber

Индискиот новинар Ј. Гопи Kришнан во интервјуто за НоваТВ, вели дека одлуките на врховниот суд претходно, новата одлука за замрзнувањето на сметките,  само ја покажа пред јавноста нетранспарентноста на бизнисите на Субрата Рој. - Бизнисите на Субрата Рој се секогаш контроверзни. Тој верува дека може да купи секого. Од она што го читам и знам за вашата земја,  тој е вистинскиот човек за вашата влада. И само ќе ви речам, ако вашата Влада не е загрижена за судскиот случај против бизнис естаблишментот на Субрата Рој во Индија, тогаш оставете ги, ќе ја научат лекцијата на потешкиот начин – вели Кришнан. За изјавите на Рој дека Македонија ја смета за свој втор дом, новинарот Кришнан вели дека Субрата е од оние  бизнисмени кои секогаш даваат вакви изјави кои во реалноста немаат никаква вредност. Покрај Македонија, и за Бангладеш,  истото го изјавувал.  Тој говор според новинарот е начин за  Рој да ги подмачкува луѓето на власт и да ја залажува јавноста. Кришнан во интервјуто истакнува дека Субрата Рој е од оние луѓе кои веруваат во поткуп на врвот, не во директниот и чесен бизнис.