Кристин Лагард: ФЕД не треба да брза со зголемувањето на каматата

Добивај вести на Viber

Федералните резерви на САД не треба да брзаaт со зголемувањето на основната каматна стапка во земјата и треба се да пристапи кон овој потег, само ако се убедени дека одлуката нема да мора да биде ревидирана. На ова повика директорот на Меѓународниот монетарен фонд (ММФ) Кристин Лагард, цитирана од светските агенции. Многу од новите економии веќе ги изразија своите грижи, дека одлуката на ФЕД ќе предизвика одлив на капитал кон средства во американски долари и тоа ќе го ограничи светскиот раст. Лагард посочи дека ја советува централната банка на САД, каква функција и да извршува ФЕД, да се подигнат стапките само кога ќе бидат сигурени какви ќе се ефектите, а не "да ја испроба и потоа да ја ревидира одлуката". ММФ повикува уште САД да ја оправда одлуката на "апсолутно потврдени податоци" и во однос на инфлацијата, и во однос на пазарот на труд, посочи уште директорот на институцијата. Со месеци се очекува ФЕД да ја промени политиката за основна камата по состанокот овој месец. Од институцијата посочија во почетокот на годината дека ќе почекаат стабилизирање на цените на потрошувачките стоки и на пазарот на труд пред да започнат да ја креваат каматата. Веќе јасно се гледа подобрување на вработувањето во САД, но се уште има дилеми околу инфлацијата и од таа причина пазарите со интерес ја очекуваат одлуката на ФЕД овој месец.