Критична вечер за судбината на Грција

Добивај вести на Viber

Европските лидери се собираат вонредно вечерва во Брисел во последен обид да се договорат со премиерот Алексис Ципрас и да ја спасат Грција од државен банкрот. Големо прашање е ќе замине ли земјата од еврозоната и ќе се врати ли на драхмата како национална валута наместо еврото.

Се очекуваше денеска да има решение за новите предлози за реформи на Атина. Алексис Ципрас пристигна уште во неделата насмеан и охрабрен, но министрите за финансии на еврозоната не зедоа никакво решение денес.

Предлози во последен момент

Атина претстави во последен момент нови предлози. Тие не се објавени официјално, но според грчкиот печат се поврзани со зголемување на даноците и со пензионирањето. Извор од Брисел ги опишаа како добра основа за постигнување на напредок, но според германскиот министер за финансии тие не содржат ништо ново.

Без значајни предлози, кои ќе бидат разгледани сериозно, не можеме сериозно да го подготвиме самитот на еврозоната", коментира Волфганг Шојбле.

А канцеларката Ангела Меркел најави дека преговорите вечерва може да имаат само советодавна природа, ако Атина не се разбере со доверителите. "Само ако трите институции кредитори излезат со конечна препорака, министрите за финансии или владините лидери ќе можат да донесат одлука", коментира германскиот канцелар.

Грчкиот премиер прогласи договор кој ќе ги задоволи двете страни. "Време е за содржински и спроведливо решение кое ќе ја врати Грција кон економски раст во рамките на еврозоната", рече Ципрас.

Тој, сепак остана тврд во најконтроверзните точки во преговорите, вклучувајќи го намалувањето на платите и пензиите.

Повеќето лидери сметаат дека одлуката ќе биде донесена кон крајот на оваа недела. Рокот за Грција да се раздолжи на ММФ истекува на 30 јуни. Најверојатно решение за Грција нема да биде донесено денеска, а подоцна оваа недела.

Грчкото општество е поделено

Дел од грчкото општество не гледа на самитот на ЕУ како обид за спасение на Грција, а токму спротивното. Грците се силно поделени во ставот на Европа, еврото и воопшто геополитичката ориентација на земјата. Оние кои сакаат излез од еврозоната и ЕУ, се собраа на централниот атински плоштад синоќа.

Против нови намалувања на пензиите и поддршка за владејачката крајна левичарска партија Сириза се најавија неколку илјади на плоштадот пред грчкиот парламент синоќа.

Вечерва се очекува на истото место да се соберат пак приврзаници на еврото и останувањето во еврозоната.

Од одлуките на самитот зависи дали утре ќе има паника и масовно повлекување на депозити. Се очекува тоа да не се случи.