КРИЗАТА ГО ЗЕМА ДАНОКОТ: Се намалил бројот на работници во индустријата
Објавено во: Економија, Корона Вирус 30 Ноември, 2020
Во Македонија се намалил бројот на работници во индустријата.
Ова го потврдуваат податоците на Државниот завод за статистика.
Бројот на работниците во индустријата во октомври годинава, во однос на октомври лани паднал за 4,9 отсто, а во периодот јануари – октомври годинава, во споредба со истиот период лани се намалил за 4,7 проценти.
Најголемо намалување на бројот на вработени по сектори има во „преработувачката индустрија“ каде што падот изнесува 5,3 отсто. Потоа следи секторот „Снабдување со електрична енергија, гас, пареа и климатизација“ со опаѓање од 1,6 отсто, а во секторот „Рударство и вадење на камен“ се бележи опаѓање од 0,9 проценти.
Откако почна пандемијата околу 15.000 луѓе останале без работа.