Кроација осигурување/неживот им подели Новогодишни подароци на децата од одделението за Хематологија и Онкологија на Универзитетската клиника за детски болести

Добивај вести на Viber

„Во рамките на нашите уверувања да придонесуваме кон заедницата во која работиме, веруваме дека е важно да промовираме вредности на добра компанија. Заеднички, да направиме една подобра, похумана и посилна заедница. За таа цел, сите маркетинг активности и севкупното работење на компанијата се во насока на постојано подобрување на процесите, производите, услугите, вниманието кон вработените, активностите на нашите вработени за подигнување на свеста за здрав живот, хуманитарни активности како и ред број активности насочени кон секој еден од вас.

Периодот пред новогодишните празници го искористивме да ја споделиме нашата среќа со оние кои не беа во можност да ги поминат празниците во својот дом, во здравје и благодет“, велат од Кроација осигурување/неживот. 

Од оваа компанија на 26-ти декември 2016 во 13:00 часот на одделението за Хематологија и Онкологија на Универзитетската клиника за детски болести во рамките на Државната болница, беше организиран настан – новогодишна куклена детска претстава со делење на новогодишни подароци за децата коишто лежат на овие одделенија. 

Едночасовната куклена претстава на интерактивен начин ги анимираше сите деца на нивно и наше големо задоволство доловувајќи ја магијата на новогодишната атмосфера. Вработените од Кроација осигурување/неживот, за сите овие дечиња донираа разни подароци, кои беа дел од нивните новогодишни писма пратени до Дедо Мраз. 

На сите мали и големи херои и нивните семејства, им посакуваaт среќна нова година и божиќни празници.