Крвав пир на екстремистите во Украина: Егзекутирани 30 регрути!

Добивај вести на Viber

Рускиот претседател Владимир Путин рекол дека кризата во Украина прераснала во граѓанска војна од полни размери обвинувајќи го Вашингтон дека го поддржал симнувањето од власт на Јанукович, пренесува „Франс прес“. - Украинската криза се влоши поради тоа што Јанукович го одложи потпишувањето на договорот за асоцијација со Европската Унија. Потоа следуваше удар кој го поддржаа нашите пријатели од Америка, а како резултат на сето тоа настапија хаос и граѓанска војна од полни размери - изјавил Путин на економскиот форум што се одржува во Санкт Петербург. Додека во Украина беснее граѓанска војна, Путин најде зборови на оправдување за припојувањето на украинскиот полуостров Kрим кон Русија во март годинава. Спречивме нови масакри рече Путин во Санкт Петербург. - Kога станува збор за Kрим, нашиот став е јасен - тие гласаа за отцепување и тоа е неоспорен факт - рекол Путин. Паралелно во Украина продолжуваат судирите. Екстремистите од украинското екстремистичко движење Прави сектор убиле 30 воени регрути кои го положиле оружјето за да го бранат локалното население, а во судирите во Луганск загинале 11 војници, пренесува ИТАР-ТАСС. - Во четвртокот слушнавме во Лисичанск дека војската се обидува да го освои градот, па испративме група за преговори. Kолоната на Украинската национална гарда беше блокирана од цивили вклучувајќи жени и деца. Додека траеја преговорите, се слушна пукање, а седум члена на народната милиција на Луганск беа убиени и 16 се ранети - објаснува Остап Черни, портпаролот на народната милиција на самопрогласената Луганска Народна Република. Тој вели дека 30 припадници на бригадата го положиле оружјето за да ги одбранат цивилите и, според најновите расположливи информации, екстремистите на украинскиот Прави сектор ги убиле сите. - Мажите биле на отворено и никој не се криел кога биле испукани смртоносните истрели, а потоа следела престрелка од половина час, во која се слушнале и минофрлачки гранати, а куќите останале во пламен - вели Черни.