КУПУВАЊЕТО КАКВО ШТО ГО ЗНАЕМЕ ЗАМИНУВА ВО ИСТОРИЈА: На Германија и претстои голема промена, се однесува на супермаркетите, а еве за што точно се работи
Објавено во: Финансии 11 Август, 2023
Германскиот трговски експерт Герит Хајнеман (63) предвидува крај на продавниците во кои ќе работат луѓето.
- Мораме да се збогуваме со супермаркетите каде што ќе не опслужуваат трговци и касиери бидејќи клиентите сами ќе ги скенираат своите производи на касите за самопослужување - вели Хајнеман.
Ваквиот начин на работа, вели тој, е последица на инфлацијата која го принуди комерцијалниот сектор да ги намали трошоците.
- Персоналот во супермаркетите значително ќе се намали. Во супермаркетот во иднина ќе има пред се само чувари поради зголемената стапка на криминал и работници кои ќе ги полнат полиците, кои во суштина се потребни само навечер - смета експертот.
Хајнеман верува дека супермаркетите какви што ги знаеме наскоро ќе станат минато исто како што супермаркетот каде што трговецот му ги даваше сите производи на купувачот стана минато пред неколку децении. Трендот кон автоматизација влијае и на други области.
Рестораните принудени да го скратат работното време
- Промени бележиме и во угостителството каде има голем недостиг на кадар. Услужните работници се заменети со роботи. Тестирањето со роботи трае долго време – вели Хајнеман.
Многу претпријатија во моментов бараат услужен персонал. Директорката на Дехог, Ингрид Хартгес (63) наведува дека недостигот на работна сила е огромен.
- Иако некои вработени се вратија по короната, ние се уште не сме го достигнале нивото од пред кризата. Ова важи и за работниците за поддршка како што се студентите во пивницата - вели Хартгес.
Многу ресторани се принудени да го скратат работното време и да воведат повеќе слободни денови поради недостаток на работници.
- Тоа може да биде иритирачко за гостите бидејќи одеднаш се наоѓаат пред затворени врати на екскурзии во руралните средини - вели Хартгес.
На одредени позиции платите се зголемени за 20 отсто, меѓутоа, Хартгес наведува дека поради недостигот на работници, многу кандидати бараат значително повисоки плати, мислејќи пред се на менаџерите во угостителството или раководителите на сектори во хотелите.
Хартгес известува дека трошоците за персоналот во март се зголемени за 21,5 отсто во однос на претходната година.
Можеби ќе ве интересира
ДУБАИ Е ПОДОСТАПЕН ОД БИЛО КОГА: Цените на недвижностите се пониски отколку во центрите на многу балкански земји
НАД 900 МИЛИОНИ ЕВРА СВРТЕНИ ВО НЕДВИЖНИНИ - најмногу се купувале станови, но ни куќите не заостануваат
БЛАГОДАРЕНИЕ НА НЕГО, НОРВЕЖАНИТЕ ЗНААТ КАДЕ ИМ СЕ ПАРИТЕ: Кој е Николај Танген?
„УПС, СЕ ИЗВИНУВАМЕ“: Даночната управа на Црна Гора по грешка ја вклучи американската амбасада на листата на најголеми должници
МАКЕДОНЦИТЕ НАЈМНОГУ ПАРИ ТРОШАТ НА „БУКИНГ“, „АМАЗОН“ И „ВИЗЕР“ - лани во странство се потрошени 573,4 милиони евра
СЕКОЈ ТРЕТ НЕДВИЖЕН ИМОТ ВО ХРВАТСКА ГО КУПУВА СТРАНЕЦ: Еве ги најскапите квадрати на Јадранот
ЗА АПРИЛ Е, АМА НЕ Е ШЕГА - кои две моќни акционерски друштва свртеа над 4 милиони евра од берзанскиот промет
НОВИОТ ШЕФ НА КРИПТО ГИГАНТОТ ТЕТЕР СЕ ПОДГОТВУВА ЗА ГЛОБАЛНА АПОКАЛИПСА: Еве што се случува
ГЕРМАНЦИТЕ НЕ ПЛАЌААТ ПРЕКУВРЕМЕНА РАБОТА: Сериозно го стегнаа ќесето, а сето тоа треба да го трпат вработените!
