КУРЦ ПОРАЧА: Изборите ви беа демократски, сега формирајте Влада!
Објавено во: Македонија 13 Февруари, 2017 12:46
Претседавачот со ОБСЕ и австриски министер за надворешни работи Себастијан Курц ја заврши посетата на Македонија со повик врз основа на резултатите од изборите сега да се формира влада.
„Многу сум задоволен што изборите беа слободни, фер и демократски, што сите партии ги признаа резултатите, што е во согласност со демократијата. Сега партиите би требало да донесат постизборни одлуки“, порача Курц.
Изборите во земјава беа одржани на 11 декември, но владата уште не е формирана. Потпретседателот на владата и шеф на дипломатијата Никола Попоски, кој заедно со Курц направил обиколка на македонско-грчката граница кај преминот Гевгелија, рекол дека најголема помош од другите земја за Македонија во решавање на политичката криза би било да се остави народната волја, изразена преку распределба на пратеничките мандати, да се одлучи за иднината на земјата.
Good mtg w @NikolaPoposki in #Skopje. We will continue the good cooperation betw. our countries & Austria's support f #Macedonia's #EU path. pic.twitter.com/Er599Dz7jE
— Sebastian Kurz (@sebastiankurz) February 12, 2017
Курц рекол дека Австрија сака да ја види Македонија како силен партнер и изразил надеж дека реформите во земјава и патот кон Европа ќе продолжат во иднина.
„Постоеше политичка криза пред изборите во Македонија. Лично верувам дека фокусот не би требало да биде на она што не функционира, туку на добри работи“, порачал шефот на австриската дипломатија и го истакнал доприносот на Македонија во затварање на балканската мигрантска рута. Според неговите зборови, бројот на луѓе кои преминуваат низ таа рута, е намален за 98 отсто.
Попоски на конференцијата за новинари истакна дека мигрантската криза на границата претставува добра шанса за соработка на Македонија со државите членки на ЕУ, посебно Австрија и Грција. Додал и дека Македонија ја почитува поддршката на Австрија во евроинтеграција на регионот.
Можеби ќе ве интересира
Европското знаење го применува дома: Милијана Богданоска праќа големи пораки преку еко начинот на живот
ФИЛИПЧЕ МУ ВОЗВРАЌА НА ШИЛЕГОВ? ВМРО-ДПМНЕ најдоа еден од нас послаб, ги искористија неговите приватни проблеми
УШТЕ ЕДНА ПРИЈАВА ЗА ПОРАНЕШНИОТ ГРАДОНАЧАЛНИК НА СТРУМИЦА - МВР го гони за несовесно работење и злоупотреба на службата
МВР: Вработени од тетовското социјално одобрувале надомест со фалсификувано конзилијарно мислење
СДСМ: Неуспешен обид да се прикаже уривање одвнатре, очигледно темата со мигрантите е многу поголема
УАПСЕН БУЈАР ДАРЛИШТА, ЕКС ДИРЕКТОР НА УПРАВАТА ЗА ВОДЕЊЕ НА МАТИЧНИ КНИГИ: Тошковски со детали за апсењето
Обвинение за ексдиректорот на „Комунална хигиена“ Рустеми за ѓубрето во Скопје
Обвинение за упадот во „Инфомкас“, напаѓачот бил пресметлив
Левица: Ќе доставиме докази против Томовски во Антикорупциска
