Започнува 2 сезона на „Арена“
Квизот „Арена“ со Димитар Атанасовски добива нова димензија на забава и возбуда
Објавено во: Мои пари 03 Февруари, 2017 11:33
Од оваа недела, петти февруари, започнува втората сезона на популарниот квиз „Арена“. Овој квиз започна минатата година со формат во македонска продукција, предводен од Димитар Атанасовски, а емитуван на Алфа Телевизија, привлече огромен број гледачи. За возбудата да биде уште поголема во новата сезона, „Арена“ вклучува иновативни методи и нови игри за уште поголем предизвик за натпреварувачите.
„Првиот пат кога стапнав зад пултот како водител на квизот „Арена“ бев воодушевен од упорноста на натпреварувачите. Квизот беше нешто ново и неиспробано и тоа ме привлече да станам негов водител. Водејќи се од истата премиса, Алфа Телевизија повторно воведува иновација и нови игри што ќе го направат квизот уште повозбудлив, поинтересен и позабавен. Минатата сезона во секоја емисија имавме по 4 натпреварувачи и во текот на сезоната поминаа вкупно 64 учесници кои добија примамливи парични награди. Ме радува и фактот што знаењето, одлучноста и храброста на учесниците се проверува надвор од самата „Арена“, на малите екрани, од страна на гледачите и публиката. Моментот кога победникот игра против еден случајно избран натпреварувач од публиката кој се бори да му ги земе сите поени оваа година го исфрламе, поради вметнувањето на новите две игри, кој ќе внесат дополнителна возбуда во натпреварувањето.“ истакна Димитар Атанасовски, водител на квизот „Арена“ на Алфа Телевизија. Тој додаде дека уште првиот ден на снимањето бил убеден дека „Арена“ ќе донесе свежина во македонскиот етер поради забавниот и интересен карактер на квизот.
Новата сезона на квизот „Арена“ ќе биде освежена со нови и уште поинтересни содржини. Игрите кои ќе доведат до уште позабавни моменти се третата по ред игра „Биди детектив“ и шестата игра „Лицитација“. Во „Биди детектив“ Атанасовски ќе раскажува мистериозни ситуации и ќе го поставува клучното прашање за решавање на истите. Целта е да се реши мистеријата и тој што ќе го даде точниот одговор ќе добие најмногу поени. Играта „Лицитација“ е од покласичен карактер каде натпреварувачите ќе ги вложуваат своите поени за да добијат уште повеќе.
Терминот на квизот, си останува ист. Секоја недела во 21 часот на Алфа Телевизија.
На следниот линк може да се проследи најавата за 2та сезона на квизот „Арена“:
Можеби ќе ве интересира
ПУШТЕНА ВО УПОТРЕБА НОВАТА МИКРОБИОЛОШКА ЛАБОРАТОРИЈА ЗА КВАЛИТЕТ НА „АЛКАЛОИД“ ПРИ ОФИЦИЈАЛНАТА ПОСЕТА НА ВЛАДИНА ДЕЛЕГАЦИЈА НА КОМПАНИЈАТА
Емисиите од работата на ТИТАН УСЈЕ се под граничните вредности определени со Закон
Нов едукативен и истражувачки центар на Градежниот факултет во соработка со ТИТАН Усје, во рамки на проектот „Знаење + CO₂ -“
Никотински ќесички како модерна еволуција на снус без тутун
Мало отрезнување за акциите со вештачка интелигенција
Просечната цена на струјата на HUPX берзата за 19 декември изнесува 134,46 евра за мегават час, на МЕМО 154,75 евра за мегават час
Првпат во Македонија: Во „Аџибадем Систина“ изведена имплантација на вештачки колк кај 14-годишно дете
Поддршка што создава иднина – КС Групација со нови студентски стипендии
