21 Јануари, 2019
0.2990
    ALK 8300.23    -0.01%     BGOR 270    -5.26%     GECK 500    0%     GECT 500    0%     GRNT 824.4    -0.07%     KMB 5300.24    -0.37%     MPT 49500    -1%     MTUR 5000    -0.99%     OHB 6650    0.77%     OKTA 4550    1.11%     RMDEN17 97.7    0.18%     RZLE 19    0%     RZLV 80    9.59%     SIL 70    0%     TEL 302    0%     TTK 1347.72    -0.17%     UNI 2209    2.98%

Леб со девет кори – доаѓаат ли тешки години за македонските земјоделци?

Објавено во: Агробизнис 23 Април, 2018

Тешки години доаѓаат за македонските земјоделци, а површините засадени со земјоделски култури ќе се намалуваат.

Вакви „црни“ прогнози имаат земјоделците од Струмичко. Објаснуваат дека секоја наредна година цените на производите се сè пониски, а репроматеријалите се скапи, со што нивната работа станува неисплатлива.  Сметаат дека е можно за неколку години оваа гранка да доживее колапс во Македонија.

Драстично се намалени површините иако струмичкиот крај важи за земјоделски. Тоа е резултат на ниски цени, скапи репроматеријали, даноци. Ретки се младите земјоделци, повеќето се над  50 години. Во 100 луѓе се наоѓа еден млад земјоделец. Доматот и краставицата  оваа година помалку се засадени, а некои луѓе кои се оптимисти се одлучија да садат зелка. Кај мене нема промена на површините, јас садам 2 декари домати и пиперки. Луѓето си бараат работа во други сектори, не сакаат да се занимаваат со земјоделство“ – вели Ристо Велков, претседател на Сојуз на синдикат на земјоделци.

Данаил Паланков, земјоделец од истиот крај потврдува дека состојбата во аграрот е лоша.

„Што се однесува до градинарството и земјоделството во Македонија воопшто, состојбата станува крајно сериозна и алармантна.  Земјоделците го трчаат својот последен круг со надеж дека нешто ќе се смени, во врска со земјоделството, тоест со продажбата на земјоделски производи. Меѓутоа оваа година сме сведоци на катастрофални состојби. Зимската зелка ја жртвуваа без некој да реагира за пласманот, оставија стихијно како и претходните години, ги пуштија низ вода, а сега со пролетната зелка е иста состојбата“- раскажува Паланков, земјоделец од село Муртино.

Вели дека надлежните не реагирале навремено, иако производителите барале предвремена стратегија, а сè останало на анализа. За цените на зелката додава дека се многу ниски.

„Зелката ја откупија по цена од 10 денари, а имаше обиди за симнување на цената на 8 денари. Но, ете денес сме  сведоци дека зелката стигна во магацините и прв ден денеска веќе им недостасува за полнење на камионите, и најверојатно ќе оди по 12 денари, но за тоа ќе видиме затоа што производителите не се многу по качување на цените. Во секој случај оваа цена е под производствената“ – рече Паланков.

Тој вели дека луѓето се во грч, не знаат како ќе преживеат, посебно оние кои веќе се задолжени со кредити.  За себе вели дека имал 22 декари површини, а сега има 12 декари, и од 300 тони сега се свел  100 тони производство годишно. Паланков додава дека на есен ќе ги намали површините, а за луѓето од неговото село вели дека бараат работа во градот или надвор од државата затоа што од  земјоделство едвај се егзистира. 

Сања Атанасовска

Можеби ќе ве интересира

Едно од најголемите ветувања на Владата пред реализација

Едно од најголемите ветувања на Владата пред реализација

Министерот Николовски присуствуваше на состанокот на меѓународните министри со германската канцеларка Ангела Меркел

Министерот Николовски присуствуваше на состанокот на меѓународните министри со германската канцеларка Ангела Меркел

МЗШВ: Рекордни 718 понуди пристигнаа за јавниот повик за давање под закуп на државно земјоделско земјиште до 3 хектари

МЗШВ: Рекордни 718 понуди пристигнаа за јавниот повик за давање под закуп на државно земјоделско земјиште до 3 хектари

МЗШВ: Откупени над 15 милиони килограми тутун по просечна цена од 210 денари за килограм

МЗШВ: Откупени над 15 милиони килограми тутун по просечна цена од 210 денари за килограм

Во солитер одгледува зеленчук и од тоа живее

Во солитер одгледува зеленчук и од тоа живее

(ФОТО) ИМ ПРОДАВААТ И НА МАКЕДОНЦИТЕ: Две жени подигнале царство со малини

(ФОТО) ИМ ПРОДАВААТ И НА МАКЕДОНЦИТЕ: Две жени подигнале царство со малини