Лекар од Србија открива која вакцина е најотпорна на мутациите на коронавирусот

Добивај вести на Viber

Кинеската вакцина побавно создава имунитет, но е најотпорна на мутациите на коронавирусот. 

Ова го тврди Миланко Шеклер, виролог и микробиолог од Ветеринарниот институт во Кралево. Тој вели дека кинеската вакцина побавно создава имунитет, но според научниците од „Кембриџ“ и „Оксфорд“, оваа вакцина е најотпорна на мутациите.

Објаснува дека вакцините на „Синофарм“ ги испитувале американски лаборатории. Лекарот потсети на изјавата на еден од американските виролози од Универзитетот во Мериленд од минатата недела дека сите источни вакцини се безбедни и ефикасни и дека тоа се однесува на кинеските, индиските и на руската Спутник В.

„Тоа е класична вакцина, експертите од ‘Кембриџ’ и ‘Оксфорд’ велат дека кинеската вакцина е најотпорна на мутации бидејќи ја содржи целата честичка на вирусот“, изјави Шеклер за телевизијата „К1“.

Вели дека ефикасноста на вакцината на „Синофарм“ е до 86 проценти, околу 50 проценти за „Синовак“ и до 62 отсто за вакцината против сезонскиот грип.

Јужноафриканска варијанта на коронавирусот е поуспешна во „пробивањето“ на одбраната на вакцината Фајзер отколку другите претходно познати варијанти, објавија израелски научници. Веќе имаше предупредувања на научници дека треба да се побрза со имунизацијата затоа што вирусот постојано мутира. 

foto freepik